Давлатҳои аъзои СААД ҳамкориро дар самти таъмини амнияти иттиолоотӣ таҳким мебахшанд
ДУШАНБЕ, 20.06.2018/АМИТ «Ховар»/. Давлатҳои аъзои Созмони Аҳдномаи Амнияти Дастаҷамъӣ ҳамкориро дар соҳаи таъмини амнияти иттилоотӣ тақвият мебахшанд. Дар ин росто Созишнома оид ба ҳамкории давлатҳои аъзои Созмони Аҳдномаи Амнияти Дастаҷамъӣ /СААД/ дар соҳаи таъмини амнияти иттилоотӣ 20 июни соли равон аз ҷониби вакилони палатаи поёнии Парлумони Тоҷикистон баррасӣ ва тасдиқ гардид.
Хабарнигори парлумонии АМИТ «Ховар» аз ҷараёни баргузории ҷаласаи навбатии иҷлосияи чоруми Маҷлиси намояндагон иттилоъ дод, ки санади мазкурро дар назди вакилон муовини аввали раиси Кумитаи давлатии амнияти миллии Ҷумҳурии Тоҷикистон Мансурҷон Умаров ва узви кумитаи Маҷлиси намояндагон оид ба масъалаҳои тартиботи ҳуқуқӣ, мудофиа ва амният Анвар Тағоймуроов тавзеҳ доданд, ки ҳадафи Созишноми мазкур нигоҳ доштани сулҳу амният ва суботи байналмилалӣ ва минтақавӣ, аз ҷумла, таъмини амнияти иттилоотӣ, кӯшиш намудан ҷиҳати мамониат кардан ба истифодаи технологияҳо ва захираҳои иттилоотӣ барои ноором кардани вазъият дар ҳудуди давлатҳои аъзои СААД мебошад.
Инчунин ин санад барои таҳкими заминаҳои ҳуқуқӣ ва ташкилии ҳамкории Тарафҳо дар соҳаи таъмини амнияти иттилоотӣ ва зарурати фароҳам овардани шароит барои татбиқи минбаъдаи чорабиниҳои муштараки амалии ба такмили низоми амнияти иттилоотӣ равона гардидааст.
Бояд тазаккур дод, ки Созишнома оид ба ҳамкории давлатҳои аъзои СААД дар соҳаи таъмини амнияти иттилоотӣ 30 ноябри соли 2017 дар шаҳри Минск- пойтахти Беларус аз ҷониби роҳбарони давлатҳои аъзои СААД ба имзо расонида шудааст. Санади мазкурро Президенти Ҷумҳурии Тоҷикистон Эмомалӣ Раҳмон барои баррасӣ ва тасдиқ ба палатаи поёнии Парлумони мамлакат –Маҷлиси намояндагон пешниҳод намудааст.
Зимни баррасӣ ва тасдиқи санади номбурда Раиси Маҷлиси намояндагон Шукурҷон Зуҳуров зикр кард, ки дар шароити пуртазод ва зудтағйирёбандаи ҷаҳони муосир масъалаи таъмини амнияти иттилоотӣ яке аз масъалаҳои мубрам ва муҳим маҳсуб мешавад. Дар иртибот зикр шуд, ки муттаҳидона ва дастҷамъона ҳамкорӣ намудан дар самти таъмини амнияти иттилоотӣ дар доираи СААД саривақтӣ ва муҳим аст.
Раиси Маҷлиси намояндагони Тоҷикистон дар Тошканд якчанд мулоқоти дуҷониба анҷом дод
Вакили Маҷлиси намояндагон дар иҷлосия оид ба механизмҳои ҳуқуқи инсон барои вакилони парлумонҳои Осиёи Марказӣ иштирок намуд
Раиси Маҷлиси намояндагони Тоҷикистон дар ҷаласаи пленарии Ассамблеяи Иттиҳоди байнипарлумонӣ иштирок намуд
Иҷлосияи якуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Раиси Маҷлиси намояндагон Файзалӣ Идизода дар Ассамблеяи 150-уми Иттиҳоди байнипарлумонӣ иштирок менамояд
Дар иҷлосияи Маҷлиси намояндагон Созишнома дар бораи таҳкими алоқаи байниҳамдигарии нақлиёти рӯйизаминӣ дар Осиёи Марказӣ ба тасвиб расид
Натиҷаи интихоботи даъвати нави аъзои Маҷлиси миллии Маҷлиси Олӣ дар ҳавзаҳои интихоботии бисёрмандатӣ тасдиқ гардид
Дар Парлумон ба муносибати ҷашни Наврӯз ҳамоиш баргузор гардид
Маҳмадтоир Зокирзода: «Даъвати шашум давраи беҳтарин дар корномаи касбии вакилон мебошад»
Иҷлосияи Маҷлиси намояндагони Маҷлиси Олии Ҷумҳурии Тоҷикистон баргузор гардид
Пагоҳ иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор мегардад
