ХУШБАХТУ ХУРСАНДЕМ! Кӯдакони пойтахт иди худро бо рақсу бозӣ гузарониданд
ДУШАНБЕ, 01.06.2018 /АМИТ «Ховар»/. Имрӯз дар Муассисаи давлатии «Боғи Ирам»-и шаҳри Душанбе ба муносибати Рӯзи умумиҷаҳонии ҳифзи кӯдакон, ки ҳамасола 1 июн таҷлил мегардад, силсилабарномаҳои фарҳангӣ – фароғатӣ баргузор гардиданд.
Тавре мухбири АМИТ «Ховар» иттилоъ медиҳад, дар он ҳазорон кӯдаки хурдсоли хурсанду хушбахти пойтахти мамлакат- шаҳри Душанбе иштирок ва бозию фароғат намуданд.
«Ширкати мо ба ғайр аз таъмин намудани аҳолӣ бо хизматрасониҳои алоқаи мобилӣ ва интернетӣ, инчунин ҳар сол дар рӯзҳои ид, аз ҷумла, дар Рӯзи умумиҷаҳонии ҳифзи кӯдакон барномаҳои фарҳангӣ-фароғатӣ баргузор менамояд»,-зикр намуд намояндаги ширкати мобилии Тселл — ташкилкунандаи барномаи мазкур дар суҳбат бо мухбири АМИТ «Ховар».
Имрӯз ин ширкат ба ғайр аз шаҳри Душанбе, инчунин дар шаҳрҳои Хуҷанд, Бохтар ва дигар ноҳияҳои мамлакат барномаҳои идона баргузор намудааст, ки мақсади асосии онҳо хурсандӣ ва болидахотирии кӯдакон мебошад. «Мо кӯшиш мекунем дар ин барномаҳо ҳамаи қишрҳои ҷомеа, аз ҷумла, кӯдакони маъюбро ба ҳам орем, то бо ҳам ҳар гуна бозиҳо ва шодию хурсандӣ кунанд»,- гуфт намояндаи ширкати мобилии Тселл.
Ёдовар мешавем, ки имрӯз дар шаҳри Душанбе дар асоси Қарори Раиси шаҳр Рустами Эмомалӣ бо мақсади дар сатҳи баланди ташкилӣ, фарҳангиву маърифатӣ ва ғоявию бадеӣ таҷлил намудани Рӯзи байналмилалии ҳифзи кӯдакон як зумра барномаҳои маърифативу фарҳангӣ баргузор гардида истодаанд.
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
