Имрӯз бозиҳои финалии Чемпионати ҷаҳон- 2018 оид ба футбол оғоз меёбанд
ДУШАНБЕ, 14.06.2018 /АМИТ «Ховар»/. Имрӯз бо бозии байни дастаҳои мунтахаби Россия ва Арабистони Саудӣ дар варзишгоҳи «Лужники»-и шаҳри Москва 21-умин бозиҳои финалии Чемпионати ҷаҳон оид ба футбол оғоз меёбанд.
Расми бошукӯҳи кушодашавии Чемпионат бо ширкати роҳбарони кишвари мизбон ва Федератсияи футболи байналмилалӣ, ҳамчунин сарояндаи машҳури Англия Робби Уилямс, чемпиони дукаратаи ҷаҳон оид ба футбол Роналдо, операхони машҳури Россия Аида Гарифуллина барпо хоҳад шуд. Оғози чорабиниҳо соати 19:30 ба вақти Душанбе дар назар аст. Дар бозии ифтитоҳӣ сарони беш аз 20 давлати ҷаҳон иштирок мекунанд.
Доварии ин вохӯрӣ ба зиммаи гурӯҳи ҳакамон аз Аргентина бо роҳбарии Нестор Питан вогузор шудааст. Ин довар дар давраи бозиҳои Ҷоми Конфедератсия-2017 аввалин нафаре гардид, ки аз видеодовар (видеоарбитр) истифода бурда, тӯби ба дарвозаи дастаи мунтахаби Испания задаи Пеперо аз дастаи мунтахаби Португалия ба ҳисоб нагирифт.
Бори аввал Чемпионати ҷаҳон дар Россия-дар доираи кишварҳои аъзои ИДМ мегузарад. Бори аввал дар таърихи Чемпионати ҷаҳон доварон аз видеодовар истифода мебаранд. Дар бозиҳои финалии Чемпионати ҷаҳони соли 2018 32 дастаи мунтахаб дар ҳашт гурӯҳ бо ҳам рақобат менамоянд.
Дастаҳои мунтахаби Россия ва Арабистони Саудӣ ҳанӯз соли 1993 як вохӯрии дӯстона барпо карда буданд, ки он бо натиҷаи 2:4 ба суди футболбозони Арабистони Саудӣ анҷом ёфта буд. Он вақт сармураббии дастаи мунтахаби Россия Павел Садирин буд.
Ба ҳамин тартиб ҷадвали бозиҳои гурӯҳии Чемпионати ҷаҳони соли 2018 чунин аст:
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
Довари тоҷик бозиҳои интихобии Ҷоми Осиё-2025 оид ба футзал байни занонро ҳакамӣ дорад
САДА, ИН ПАРТАВИ ХУРШЕДИИ ИСТИҚЛОЛ АСТ! Имсол ин ҷашни бостониро дар Тоҷикистон 25-26 январ ҷашн мегиранд
Дар Душанбе даврҳои мураббигии футбол барои дарёфти сертификати «С» ба анҷом расиданд
ФУТБОЛ. Дастаи мунтахаби занонаи Тоҷикистон бо тими Арабистони Саудӣ бозиҳои дӯстона анҷом медиҳад
Паёми Президенти Тоҷикистон ба Маҷлиси Олӣ фарогири дастуру супоришҳо, нақшаву пешниҳодҳо ва стратегияву ҳисобот мебошад
ФУТБОЛ. Довари тоҷик Исмоил Нуралиев дар Ҷоми Осиё-2025 байни ҷавонон (U-20) кор мекунад
ШУМОРАИ ВОРИДШАВАНДАГОНИ СОМОНАИ АМИТ «ХОВАР» БЕШ АЗ 234 ФОИЗ ЗИЁД ШУД. Соли 2024 аз сомона зиёда аз 7 миллион маротиба дидан кардаанд
Дар Амороти Муттаҳидаи Араб барои навхонадорон гузаштан аз муоинаи тиббӣ ҳатмӣ шуд
