Намояндагони доимии як қатор кишварҳои хориҷӣ дар назди СММ Конфронси Душанберо муҳим арзёбӣ карданд
ДУШАНБЕ, 19.06.2018 /АМИТ «Ховар»/. «Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» дар чорабинии канории Форуми сатҳи баланди сиёсӣ, ки моҳи июли соли ҷорӣ дар Ню Йорк баргузор мегардад, муҳим хоҳад буд», иброз доштанд гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид пас аз мулоқот бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон.
Аз ҷумла, Раиси Шўрои иқтисодӣ ва иҷтимоии (ECOSOC) Созмони Милали Муттаҳид Мари Хатардова гуфт, ки кулли давлатҳо бо мушкилоти об рӯ ба рӯ ҳастанд. Тавре зимни мулоқот зикр гардид, бе кӯмак ва дастгирии дастаҷамъона ин масъала ҳал шуда наметавонад. Баъд аз бартараф кардани ин мушкилӣ мо метавонем ба паст шудани сатҳи камбизоатӣ ва дигар Ҳадафҳои Рушди Устувор ноил гардем.
«Ташаббуси Президенти Ҷумҳурии Тоҷикистон Эмомалӣ Раҳмон яке аз иқдомҳои муҳими имрӯзаи ҷаҳонӣ мебошад. Натиҷаҳои ин Конфронси сатҳи баланд барои амалҳои оянда дар ин самт таъсири мусбӣ хоҳанд расонд», — иброз дошт ӯ.
Гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид бо хушнудӣ таъкид намуданд, ки Тоҷикистон ташаббускор ва пешбарандаи масъалаҳои об дар Созмони Милали Муттаҳид аст ва изҳори боварӣ карданд, ки бо кӯшиш ва дастгирии гурӯҳи намояндагони кишварҳо дар Созмони Милали Муттаҳид ин масъала дар оянда низ бар нафъи инсоният ба таври васеъ тарғиб хоҳад шуд.
Раиси Шўрои иқтисодӣ ва иҷтимоии (ECOSOC) Созмони Милали Муттаҳид Мари Хатардова ва Гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид пагоҳ дар кори Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» ширкат хоҳанд кард.
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
