Намояндаи Вазорати энергетикаи Давлати Кувайт Халиф Муҳаммад Алфрейд: «Об барои ноил шудан ба субот нақши асосӣ дорад, набудани субот ба захираҳои об таъсир мерасонад»
ДУШАНБЕ, 21.06.2018 /АМИТ «Ховар»/. Яке аз мавзӯъҳое, ки имрӯз зимни ҷаласаҳои пленарии Конференсияи байналмилалии сатҳи баланд матраҳ гардид, таъсири соҳаи об ба мушкилоти озуқаворӣ, энергия ва муҳити зист буд. Намояндаи Вазорати энергетикаи Давлати Кувайт Муҳандис Халиф Муҳаммад АЛФРЕЙД вобаста ба мавзӯи мазкур мулоҳизаҳои худро ба хабарнигори АМИТ «Ховар» Акрам САНГЗОДА баён кард.
«Албатта, байни обу озуқаворӣ, обу энергетика, обу муҳити зист пайванди амиқу ногусастанӣ вуҷуд дорад», — гуфт ҳамсуҳбат. «Дар Давлати Кувайт ин мавзӯъҳо рӯзмарра, муҳим ва ба ҳамдигар тавъам дониста шудаанд».
Конференсияи байналмилалии Душанбе барои табодули мулоҳизаҳо, омӯзиши таҷрибаҳо, гирифтани маълумоти нав ва пайдо намудани роҳҳои муассири дипломатӣ ҷиҳати ҳалли мушкилоти об ва ҳамаи соҳаҳои вобастаи он минбари мувофиқ ва муносиб мебошад. Ҳамчунин ҳамоиши Душанбе барои мудирияти маҷмӯии захираҳои об, фаъол гардонидани идоракунии Ҳадафҳои Рушди Устувор, аз ҷумла, Ҳадафи 6 мусоидат мекунад.
Ба андешаи Халиф Муҳаммад Алфрейд, Конференсияи байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» талошхои ҳукуматҳо, сохторҳои гуногуни Созмони Милали Муттаҳид, ташкилотҳои байналмилалӣ ва ғайриҳукуматиро барои расидан ба ҳадафҳои дар сатҳи байналмилалӣ мувофиқашуда дар соҳаи захираҳои об муттаҳид менамояд. Дар ин самт ҳамкорӣ ва шарикӣ дар ҳамаи сатҳҳо роҳандозӣ мешаванд.
«Муҳимтарин ҳадафе, ки зимни ҷаласаҳои пленарӣ пайгирӣ карда мешавад, ин аст, ки об барои ноил шудан ба субот нақши муҳим дошта, набудани субот ба захираҳои об таъсир мерасонад», — хулосабарорӣ кард намояндаи Давлати Кувайт.
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
