Нуриддин Саид ва Олга Василева масъалаи омода намудани кадрҳои баландихтисосро баррасӣ карданд
ДУШАНБЕ, 1.06.2018 /АМИТ «Ховар»/. Дирӯз дар шаҳри Душанбе Вазири маориф ва илми Ҷумҳурии Тоҷикистон Нуриддин Саид бо Вазири маорифпарварии Федератсияи Россия Олга Василева мулоқот намуд.
Тавре аз Вазорати маориф ва илми Ҷумҳурии Тоҷикистон ба АМИТ «Ховар» хабар доданд, дар мулоқот масъалаҳои ҳамкории дуҷонибаи ду мамлакат дар самтҳои илм ва маориф баррасӣ гардиданд.
«Зикр шуд, ки имрӯз дар Ҷумҳурии Тоҷикистон чор муассисаи таҳсилоти олии касбӣ-Донишгоҳи (славянии) Тоҷикистон-Россия, филиали Донишгоҳи давлатии Москва ба номи М.В.Ломоносов дар шаҳри Душанбе, филиали Донишгоҳи миллии таҳқиқотии «МИСиС» дар шаҳри Душанбе ва филиали Донишкадаи энергетикии Москва дар шаҳри Душанбе фаъолият доранд, ки дар тайёр кардани кадрҳои баландихтисоси ҷавобгӯ ба талаботи бозори меҳнат саҳми муносиб мегузоранд»,- хабар дод манбаъ.
Ба иттилои манбаъ, ҷонибҳо вобаста ба сохтмони 5 муассисаи таҳсилоти миёнаи умумӣ аз ҷониби Федератсияи Россия дар Ҷумҳурии Тоҷикистон, аз моҳи сентябри соли хониши нав ба фаъолият оғоз намудани 50 омӯзгори рус дар муассисаҳои таълимии Тоҷикистон, таъмини муассисаҳо бо китобҳо, тайёр кардани мутахассисон дар риштаи адабиёти рус ва дигар масъалаҳои муҳими соҳа мубодилаи афкор намуданд.
Ёдовар мешавем, ки ҳоло дар 12 муассисаи таҳсилоти олии касбии мамлакат факултетҳои забон ва адабиёти рус ва садҳо гурӯҳҳои русӣ амал намуда, дар 175 муассисаи таҳсилоти миёнаи умумӣ хонандагон дар синфу гурӯҳҳои забони русӣ таълим мегиранд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
