«СҲШ-СУТУНИ НИЗОМИ ҶАҲОНИИ СЕРҶАНБАИ ТАШАККУЛЁБАНДА». Президенти Ҷумҳурии Тоҷикистон Эмомалӣ Раҳмон ба газетаи «Жэнмин жибао»-и Чин мусоҳибаи ихтисосӣ доданд
ДУШАНБЕ, 08.06.2018. /АМИТ «Ховар»/. «СҲШ ҳамчун як созмони бонуфузи минтақавӣ дар паҳнои мураккаби геосиёсӣ қотеъона нуфуз пайдо мекунад ва ба яке аз сутунҳои низоми ҷаҳонии серҷанбаи ташаккулёбанда табдил меёбад»,-изҳор доштанд Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мусоҳибаи ихтисосӣ бо хабарнигори газетаи «Жэнмин жибао» пеш аз сафар ба Тсиндао ҷиҳати иштирок дар ҷаласаи 18-уми Шӯрои сарони давлатҳои аъзои СҲШ.
Тавре Сарвари давлати Тоҷикистон ёдовар шуданд, қарори таърихӣ оид ба тағйири ном додани «панҷгонаи шанхай» ба Созмони Ҳамкории Шанхай 18 сол қабл дар пойтахти Ҷумҳурии Тоҷикистон зимни саммити Душанбегии сарони давлатҳо қабул гашта буд.
«Дар ин давраи кӯтоҳи муқоисашавандаи таърихӣ Созмони мо ба сифати сохтори мукаммали ҳамкории бисёрҷониба бо нуфузи афзояндаи байналмилалӣ ташаккул ёфт»,-зикр намуданд Пешвои миллат.
Дар робита ба нақши Чин дар СҲШ, Эмомалӣ Раҳмон изҳор доштанд, ки Ҷумҳурии Мардумии Чин яке аз давлатҳои муассиси ин Созмон мебошад. Худи ҳамин аллакай аз саҳми калони Чин дар ташаккул ва рушд, таъмини фаъолияти мунтазам ва боло рафтани нуфузи байналмилалии Созмон дарак медиҳад.
Дар ин мусоҳиба, Пешвои миллат, Президенти Ҷумҳурии Тоҷикистон Эмомалӣ Раҳмон доир ба афзалиятҳои иштирок дар СҲШ ибрози андеша намуда, таъкид медоранд, ки барои Ҷумҳурии Тоҷикистон узвият дар СҲШ маънои боз намудани имкониятҳои нав ва самтҳои ояндадори ҳамкории бисёрҷониба бо шарикони анъанавӣ дар ҳама соҳаҳо, бидуни истисно, аз амният то иқтисодиёт ва ҳамкории фарҳангию гуманитарӣ дорад.
Президенти мамлакат ҳамчунин ёдовар шуданд, ки аз моҳи июни соли гузашта Ҳиндустон ва Покистон фаъолона ба узвияти СҲШ қабул карда шуданд ва ҷаласаи Шӯрои сарони давлатҳои аъзои СҲШ дар Тсиндао бори аввал дар формати «ҳаштгона» сурат мегирад. Тавсеаи Созмон аз ҳисоби иштирокчиёни нав намунаи барҷастаи афзудани ҷолибият ва муҳимияти он дар арсаи байналмилалӣ буда, имконот ва иқтидори кишварҳои мо ба таври назаррас таҳким меёбад. «Мо мутмаинем, ки бо қабули Ҳиндустон ва Покистон чун узви комилҳуқуқи Созмони ҳамкории Шанхай имконоти рушди сифатан нави ҳамкории байни давлатҳои аъзои СҲШ дар соҳаҳои мухталиф меафзояд», — таъкид намуданд Эмомалӣ Раҳмон
Дар ин мусоҳиба, Президенти мамлакат инчунин доир ба паҳлуҳои мухталифи фаъолияти СҲШ, нақшаҳои минбаъдаи он ибрози андеша намуда, ба фаъолияти созмон дар соли гузашта баҳои баланд додаанд.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
