Шартномаи грантӣ оид ба «Рушди таҳсилоти инклюзивӣ» ба имзо расид
ДУШАНБЕ, 29.06.2018 /АМИТ «Ховар»/. Ассотсиатсияи кумак ва дастгирии Япония — АКДҶ ҷиҳати амалӣ шудани «Консепсияи миллии таҳсилоти фарогир (инклюзивӣ) барои кӯдакони имконияташон маҳдуд дар Ҷумҳурии Тоҷикистон» дар ҳамкорӣ бо Вазорати маориф ва илми Ҷумҳурии Тоҷикистон то соли 2020 силсилаи чорабиниҳоро татбиқ мекунад.
Нимаи дуюми имрӯз дар шаҳри Душанбе маросими расмии тасвиби шартномаи грантӣ оид ба «Рушди таҳсилоти фарогир барои кӯдакони дорои имкониятҳои маҳдуд дар шаҳри Ҳисор (марҳилаи 2-юм) баргузор гардид.
Дар доираи лоиҳаи мазкур Ассотсиатсияи кумак ва дастгирии Япония – АКДҶ роҳравҳо барои аробачаҳои маъюбӣ бунёд намуда, иншооти барои кӯдакони имконияташон маҳдудро дар мактабҳои рақами 15 ва 24-и шаҳри Душанбе тармим ва шароити мусоид барои таҳсили онҳо фароҳам месозад.
Ғайр аз корҳои барқарорсозӣ, аробачаҳои махсус, асбобҳои ёрирасон, лавозимоти таълимӣ барои синфхонаҳо дастрас карда мешаванд. Бо мақсади боз ҳам баланд бардоштани сатҳи тахассусии омӯзгорон дар самти таҳсилоти инклюзивӣ машғулиятҳои амалӣ ва семинарҳои соҳавӣ гузаронида мешаванд.
Муовини Вазири маориф ва илми Ҷумҳурии Тоҷикистон Латофат Назирӣ зикр кард, ки таҳсилоти фарогир падидаи нав буда, зимни он тамоми кӯдакони дорои имкониятҳои маҳдуд дар заминаи муассисаҳои таҳсилоти миёнаи умумӣ дар қатори кӯдакони солим ба таҳсил фаро гирифта мешаванд.
Сафири Фавқулода ва Мухтори Япония дар Ҷумҳурии Тоҷикистон Ҳаҷиме Китаока изҳор кард, ки дар Вазорати маорифи Ҷумҳурии Тоҷикистон муносибат ба одамони маъюб дар сатҳи шоиста гузошта шуда, ба мушкилоти онҳо таваҷҷуҳи доимӣ зоҳир карда мешавад. Чунин муносибати олии инсондӯстӣ моро барои расонидани кумак дар амалишавии «Консепсияи миллии таҳсилоти фарогир (инклюзивӣ) барои кӯдакони имконияташон маҳдуд дар Ҷумҳурии Тоҷикистон» рӯҳбаланд месозад.
Дар марҳалаи аввали лоиҳаи «Рушди таҳсилоти фарогир барои кӯдакони дорои имкониятҳои маҳдуд» марказҳои рушди таҳсилоти фарогир дар ду мактаби миёнаи шаҳри Ҳисор таъсис дода шудааст.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
