Сокинони деҳаи Сипонҷи ноҳияи Рӯшон дар домани кӯҳ боғи нав бунёд карданд
ХОРУҒ, 23.06.2018 /АМИТ «Ховар»/. Дар деҳаи дурафтодаи Сипонҷи водии Бартанги ноҳияи Рӯшон шабакаи обрасонӣ, ки сокинони ин деҳа онро бо белу зоғнӯл дар масофаи зиёда аз як километр аз камари кӯҳ сохта, боғу киштзорони худро обёрӣ мекарданд, дубора барқарор карда шуд. Дар навсозии ин шабакаи обрасонӣ ба сокинони деҳа мақомоти иҷроияи ҳокимияти давлатии ноҳия, Ташкилоти давлатии Ҳукумати Германия оид ба ҳамкории байналмилалӣ, Барномаи озуқаи Созмони Милали Муттаҳид ва ташкилоти ҷумҳуриявии “CAMP Табиат” кумак расонданд.
Ба гуфтаи муовини аввали раиси ноҳияи Рӯшон Гулмаст Дӯстализода, навсозии канали мазкур ду мушкили асосии сокинони деҳаи Сипонҷро ҳал кард. Акнун деҳотиён имкон пайдо карданд, ки бидуни навбату интизориҳо замини наздиҳавлигӣ, боғу киштзори худро обёрӣ кунанд ва дуюм, дарахтони ҷангале, ки чанд сол пеш ба хотири шусташавии замин бунёд шуда буданд, аз хушкшавӣ эмин мемонанд.
Яке аз сокинони деҳа Гулистон Худобердиева ба мақомоти иҷроияи ҳокимияти давлатии ноҳия ва созмонҳои байналмилалӣ изҳори сипос намуда, гуфт, ки худаш дар баробари дигар ҳамдеҳагон дар шинондани дарахтон ва панҷара кашидани атрофи ҷангал ширкат доштааст. Дар ояндаи наздик онҳо метавонанд аз ин ҷангал барои худ алафу ҳезум биёранд ва дарахтони онро ҳамчун масолеҳи бинокорӣ истифода баранд.
Ин ҷангалро деҳотиён соли 2017 дар доманаи кӯҳ, дар як замини нокорам, ки масоҳати он 9 гектарро ташкил медод, бунёд намуда, дар он 5,5 ҳазор ниҳол шинонданд. Ҳангоми бунёди ҷангал Барномаи озуқаи Созмони Милали Муттаҳид сокинони деҳаро бо ғизо таъмин кард.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
