Барои вайрон намудани қоидаҳои санитарию эпидемиологӣ нисбат ба 55 соҳибкор протоколҳои маъмурӣ тартиб дода шуд

Июль 31, 2018 11:30

ДУШАНБЕ, 31.07.2018. /АМИТ «Ховар»/. Дар рафти як рейди муштараки Сарраёсати назорати давлатии тандурустӣ ва ҳифзи иҷтимоии аҳолӣ ва Раёсати Вазорати корҳои дохила дар вилояти Хатлон дар яке аз бозорҳои муваққатие,  ки дар ҳудуди ҷамоати деҳоти Айнии ноҳияи Хуросон фаъолият дорад, қонунвайрокуниҳои зиёд ошкор карда шудааст. Дар ин бора ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.

Ба иттилои Сарраёсати назорати давлатии тандурустӣ ва ҳифзи иҷтимоии аҳолӣ дар вилояти Хатлон, дар доираи супориши Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон оид ба ҳифзи саломатии аҳолӣ  ва таъмини амнияти санитарию эпидемиологӣ як рейди муштарак бо Раёсати Вазорати корҳои дохила дар вилояти Хатлон дар бозори   ҷамоати деҳоти Уялӣ низ гузаронида шуд.

Дар рафти санҷиш маълум гардид, ки қисме аз соҳибкорон дар ҳолати ғайрисанитарӣ ва бо вайрон намудани қоидаҳои санитарию эпидемиологӣ ба фурӯши маҳсулоти хӯрока машғул шудаанд. Мутахассисони Сарраёсат ҳангоми санҷиш 232 кг маҳсулоти гӯштӣ ва 90 литр обҳои ташнашикан ва маҳсулоти ширӣ (дуғоб), ба талаботи санитарию эпидемологӣ ҷавобгӯ набударо аз муомилот гирифтаанд.

Инчунин барои вайрон намудани қоидаҳои санитарию эпидемиологӣ нисбат ба 55 нафар соҳибкорон протоколҳои маъмурӣ тартиб дода, ба маблағи 3,2 ҳазор сомонӣ ҷаримабандӣ шуданд. Ғайр аз ин, фаъолияти  9 иншооти хӯроки умумӣ, аз ҷумла 2 ошхона, 1 дӯкони самбӯсапазӣ, 4 нуқтаи тезтаёр, 2 нуқтаи фурӯши маҳсулоти гӯштӣ боздошт карда шудаанд.

Бино ба иттилои манбаъ,   ба хотири ҳифзи саломатии аҳолӣ дар оянда низ  чунин рейдҳои муштарак бо мақомоти ҳифзи ҳуқуқ гузаронида мешавад.

Июль 31, 2018 11:30

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад