Дар Душанбе таъмири роҳи хиёбони Рӯдакӣ то 5 август ба анҷом мерасад
ДУШАНБЕ, 26.07.2018 /АМИТ «Ховар»/. Таъмири асосии роҳи хиёбони Рӯдакии пойтахт, ки 27 июн шурӯъ гардид, то 5 августи соли равон ба анҷом мерасад. Алҳол роҳсозон дар хиёбони мазкур, дар минтақаи майдони «Дӯстӣ», аз буриши кӯчаи Шириншоҳ Шоҳтемур то буриши кӯчаи Бухоро корҳои таъмириро ба анҷом расонида, ба асфалтпӯш кардани он машғул мебошанд.
Хабарнигори АМИТ «Ховар» дар ин минтақа бо ҷараёни корҳои таъмирӣ аз наздик шинос шуда, бо масъулин ҳамсуҳбат гардид.
Тибқи иттилои масъулин, фармоишгари таъмири асосии хиёбони Рӯдакӣ (аз буриши кӯчаи С.Айнӣ то буриши кӯчаи Карамов) Муассисаи давлатии «Раёсати сохтмон, азнавсозӣ ва таъмири роҳу кӯпрукҳои шаҳри Душанбе»-и Мақомоти иҷроияи ҳокимияти давлатии шаҳри Душанбе буда, пудратчии асосии корҳои сохтмонии иншооти мазкур Ҷамъияти саҳомии шакли пӯшидаи «Заводи асфалту бетон» мебошад.
Алҳол дар ин минтақаи роҳ 100 нафар коргарон бо истифодаи зиёда аз 40 адад техникаи муосири роҳсозӣ ба таври шабонарӯзӣ дар се баст фаъолият доранд.
Хотиррасон менамоем, ки корҳои таъмиру навсозии роҳи хиёбони Рӯдакӣ қитъа ба қитъа гузаронида мешавад. Бинобар ин дар ин давра дар қитъаҳои таъмиршавандаи роҳ ҳаракати ҳама гуна намуди воситаҳои нақлиёт қатъ карда мешавад.
Ҳаракати воситаҳои нақлиёти мусофирбари хатсайрҳои автобусии №-№1, 3А ва №18 тариқи кӯчаҳои ҳамшафат ба роҳ монда шуда, фаъолияти троллейбуси хатсайри №1 муваққатан қатъ гардидааст.
Рухсораи НУР,
АМИТ «Ховар»
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни занону духтарон ҷамъбаст шуд
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
