Дастаи мунтахаби ҷавонони Тоҷикистон соҳиби Ҷоми шаҳрдори Остона гардид!

ДУШАНБЕ, 14.07.2018 /АМИТ «Ховар»/. 13 июл Мусобиқаи байналмилалӣ оид ба футбол барои дарёфти Ҷоми шаҳрдори Остона бо ғалабаи  дастаи мунтахаби ҷавонони Тоҷикистон (U-16) ба поён расид. Дар ин бора ба АМИТ «Ховар» аз   Федератсияи футболи Тоҷикистон хабар доданд.

Дар бозии ниҳоӣ футболбозони ҷавони Тоҷикистон зери роҳбарии сармураббӣ Зайниддин Раҳимов ба дарвозаи   дастаи  овозадори «Шахтёр»-и Қарағанда 5 голи беҷавоб заданд. Нидоёр Забиров ду гол, Шарифбек Раҳматов, Суннатулло Исмоилов ва Муҳаммадалӣ Азизбеков як голӣ ба ҳадаф расонданд.

Дастаи мунахаби  ҷавонони Тоҷикистон то расидан ба финал дар даври гурӯҳӣ бар дастаҳои Қазоқистон – «Иртиш U-17» (Павлодар) – 5:2 ва «Остона U-17» – 3:1 ғалаба карда, бо  дастаи мунтахаби  ҷавонони Қирғизистон (U-17) бозиро мусовӣ – 1:1  анҷом дод.

Мусобиқаи байналмилалӣ оид ба футбол барои дарёфти ҷоми шаҳрдори Остона

Бозии ниҳоӣ 

Мунтахаби Тоҷикистон (U-16) — «Шахтёр U-17» (Қарағанда, Қазоқистон) – 5:0.

Голҳо: Нидоёр Забиров (2), Шарифбек Раҳматов, Сунатулло Исмоилов, Муҳаммадали Азизбоев.

Бозӣ барои ҷой сеюм

Мунтахаби Қирғизистон (U-17) — Мактаби захираҳои олимпии №8 – U-17 (Остона, Қазоқистон) – 5:0.