Донишкадаи соҳибкорӣ ва хизмат ба донишгоҳ табдил дода мешавад
ДУШАНБЕ, 26.07.2018 /АМИТ «Ховар»/. Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон дар нақша дорад мақоми худро аз донишкада ба донишгоҳ табдил диҳад. Ин нуктаро имрӯз зимни нишасти матбуотӣ ректори Донишкадаи соҳибкорӣ ва хизмат Диловар Қодирзода ба хабарнигорон иброз намуд.
Ба гуфтаи мавсуф, дар ин маврид бо Вазири маориф ва илми Ҷумҳурии Тоҷикистон гуфтушунид доир шуда, корҳои омодагӣ идома доранд ва моҳи сентябр ҳуҷҷатҳои зарурӣ пешниҳод карда мешаванд.
Дар мавриди таҳсил ва дараҷаи азхудкунии донишҷӯён ректори донишкада иброз дошт, ки дар донишкада шуъбаи назорати сифати таҳсилот мавҷуд аст ва ҳар се моҳ дараҷаи азхудкунии донишҷӯён таҳлил карда мешавад.
Мувофиқи таҳлиле, ки баъди санҷиши нимсола гузаронида шуд, сатҳи азхудкунии донишҷӯён 82%-ро ташкил намуд. Ин нишондиҳанда нисбат ба нимсолаи гузашта 1,2% зиёд мебошад.
Имсол таваҷҷуҳи довталабон ба Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон зиёд шудааст.
Донишкада нақша дорад, ки соли таҳсили 2018-2019 ба зинаи бакалавриат 964 нафар донишҷӯёнро қабул намояд.
НИШАСТИ МАТБУОТӢ. Соли 2024 забҳи 586 сар чорвои мубталои бемории буғумдард пешгирӣ карда шуд
Ҷашни Сада дар шаҳри Ҳисор бо намоиши дастовардҳои кишоварзон пуршукуҳ таҷлил гардид
Кишоварзони фаъоли ноҳияи Зафаробод дар иди Сада кадрдонӣ гардиданд
«МАКТАБИ МОДАРОН». Дар Ёвон бо мақсади ба ҳаёти мустақилона омода намудани духтарон ҳамоиши тарғиботӣ доир шуд
Дар Суғд ҷашни Садаро бо иштироки меҳмонон аз давлатҳои ҳамсоя таҷлил намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МАКТАБИ МОДАРОН». Дар шаҳру ноҳияҳои вилояти Хатлон ҳамоиши тарғиботӣ доир мегардад
Дар шаҳри Хоруғ ҷашни Сада бо русуми аҷдодӣ таҷлил гардид
3 феврал дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
