ХУРСАНДИИ КӮДАКОН ҲАДДУ КАНОР НАДОРАД: барои тарбиятгирандагони мактаб – интернатҳои ҳудуди пойтахт барномаи фарҳангӣ- фароғатӣ баргузор гардид
ДУШАНБЕ, 07.07.2018 /АМИТ «Ховар»/. Шоми имрӯз дар Амфитеатри «Боғи кӯдакон»-и шаҳри Душанбе аз ҷониби Мақомоти иҷроияи ҳокимияти давлатии шаҳри Душанбе барои тарбиятгирандагони мактаб – интернатҳои ҳудуди пойтахт барномаи фарҳангӣ-фароғатӣ баргузор гардид.
“Хурсандии кӯдакон ҳадду канор надорад”, — хабар дод чанд лаҳза қабл мухбири АМИТ «Ховар» Шукуҳи ДАЛЕР аз “Боғи кӯдакон”. Бино ба иттилои ӯ, дар маросими ифтитоҳи барномаи фарҳангӣ-фароғатии мазкур муовини Раиси шаҳри Душанбе Мавсума Муинӣ иштирок намуда, аз дастгириҳои пайвастаи Пешвои миллат-Президенти Ҷумҳурии Тоҷикистон муҳтарам Эмомалӣ Раҳмон нисбат ба тамоми қишри ҷомеа, аз ҷумла, кӯдакон ёдовар шуд.
Мавриди зикр аст, ки то оғози барномаи асосӣ кӯдакон ва наврасон дар ҳудуди «Боғи кӯдакон» бо бозиҳои гуногун, аз ҷумла, футбол, шоҳмот ва тамошои намоиши ҳунарҳои мардумӣ машғул шуданд.
Дар барномаи фарҳангӣ- фароғатӣ, ки дар Амфитеатри боғ бо иштироки 500 нафар тарбиятгирандагони мактаб – интернатҳои шаҳри Душанбе баргузор гардид, ҳунармандони навраси ансамбли «Шукуфаҳои пойтахт» — и Муассисаи давлатии «Маркази кӯдакон ва наврасони шаҳри Душанбе» ва Сирки давлатии Тоҷикистон бо суруду таронаҳо ва ҳар гуна ҳунарнамоиҳо хотири тарбиятгирандагонро шод намуданд.
Ёдовар мешавем, ки Мақомоти иҷроияи ҳокимияти давлатии шаҳри Душанбе тасмим гирифтааст, ки рӯзҳои истироҳатии ҳар ҳафта баҳри тафреҳу фароғати сокинону меҳмонони пойтахт дар якҷоягӣ бо Муассисаи давлатии «Маркази кӯдакон ва наврасони шаҳри Душанбе» барномаҳои рангини фарҳангӣ-фароғатӣ баргузор намояд.
Дар Душанбе Ситод оид ба назорати истеҳсол ва сари вақт харидани либосҳои мактабӣ таъсис дода шуд
«ЗЕБИ ЧАКАНУ АТЛАС, ЗЕБОСАНАМИ ТОҶИК». Бо мақсади муаррифии либоси миллӣ дар пойтахт иқдом амалӣ мешавад
Дар Душанбе рӯзҳои фарҳанги вилоятҳо ва шаҳру ноҳияҳои кишвар баргузор мегарданд
РӮЗИ ДАЪВАТШАВАНДА. Дар Душанбе бахшида ба даъвати баҳории ҷавонон ба хизмати ҳарбӣ ҳамоиш доир шуд
«DUSHANBE NAVRUZ FEST». Дар Душанбе чорабинии фарҳангӣ-фароғатӣ баргузор мешавад
Соли 2025 дар Душанбе 63 корхонаю коргоҳи истеҳсолӣ таъсис дода шуд
Дар ноҳияи Шоҳмансури шаҳри Душанбе 48 маркази касбомӯзӣ фаъолият менамояд
Имрӯз дар боғҳои фарҳангӣ-фароғатии Душанбе барномаҳои рангини фарҳангӣ баргузор мешаванд
Субҳи имрӯз «Корвони наврӯзӣ» ба сокинону меҳмонони пойтахт навиди фарорасии баҳорро расонид
Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» баргузор мегардад
Наврӯз ҳамчун бренди миллӣ ва абзори «дипломатияи фарҳангӣ»: натиҷаҳо ва дурнамои Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ»
МУЖДАИ ФАРОРАСИИ БАҲОР. Онро корвони наврӯзӣ тавассути чор дарвозаи пойтахт ба сокинон мерасонад
