НИШАСТҲОИ МАТБУОТӢ: Хабарнигорон аз хизматрасонии кормандони Сабти асноди ҳолати шаҳрвандӣ шикоят карданд
ДУШАНБЕ, 18.07.2018. /АМИТ «Ховар»/. Бо мусоидати Вазорати адлияи Ҷумҳурии Тоҷикистон ва бо супориши Дастгоҳи иҷроияи Президенти Ҷумҳурии Тоҷикистон Гурӯҳи кории байниидоравӣ оид ба такмили санадҳои меъёрии ҳуқуқӣ вобаста ба бартарафсозии қолабҳои гендерӣ, ҳифзи ҳуқуқҳои занон ва пешгирии зӯроварӣ дар оила таъсис дода шуд, ки ба он намояндагони вазорату идораҳои марбута шомиланд. Дар ин бора имрӯз зимни нишасти матбуотӣ Вазири адлияи Ҷумҳурии Тоҷикистон Рустами Шоҳмурод ба хабарнигорон иттилоъ дод.
Алҳол аз ҷониби ин гурӯҳи корӣ лоиҳаи санадҳои меъёрии ҳуқуқӣ оид ба ворид намудани тағйироту иловаҳо ба қонунҳои амалкунанда таҳия гардида, ба Ҳукумати Ҷумҳурии Тоҷикистон ирсол карда шудааст.
Дар нишасти мазкур хабарнигорон аз ҷой доштани камбудиву нуқсонҳо дар хизматрасонии кормандони бахшу шуъбаҳо ва раёсатҳои Сабти асноди ҳолати шаҳрвандии шаҳру ноҳияҳои ҷумҳурӣ ба аҳолӣ изҳори нигаронӣ карданд. Хабарнигорон бахусус аз он шикоят карданд, ки барои гирифтани як ҳуҷчати одӣ — маълумотнома аз ин мақомот соатҳо дар навбат истодан зарур меояд. Ҳатто барои дастрас намудани он гоҳҳо чанд рӯз сарф мешавад, зеро дар ин мақомот қабули шаҳрвандон аз рӯи ҷадвали тасдиқшуда сурат мегирад.
Рустами Шоҳмурод дар ҷавоб ба суоли мазкур иброз дошт, ки мутаассифона, яке аз сабабҳои рух додани чунин камбудиҳо кам будани теъдоди хизматчиёни давлатӣ, яъне воҳидҳои корӣ дар мақомоти мазкур мебошад. Дар ин бахшу шуъбаҳо 2-3 нафар кормандони САҲШ ба теъдоди зиёди мардум хизмат мерасонанд ва ин табиист, ки ба фаъолияти пурсамари онҳо халал ворид месозад.
«Мо аз ин камбудиву норасоиҳои ҷойдошта дар фаъолияти САҲШ воқиф ҳастем. Ин масъаларо борҳо дар ҷаласаҳои ҳайати мушовараи вазорат мавриди баррасӣ қарор додаем. Таҳлилу баррасӣ ва дарёфти роҳи ҳалли ин масъала ҳанӯз ҳам мавриди омӯзиши масъулини вазорат қарор дорад. Итминон дорем, ки ин масъала ба зудӣ ҳалли худро меёбад», -изҳор дошт Р. Шоҳмурод.
Р. Шоҳмурод ва муовинони ӯ ба дигар суолҳои хабарнигорон оид ба самтҳои гуногуни фаъолияти вазорати мазкур посух доданд.
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
