ОБУ ҲАВО: гармиҳои рӯзҳои охир хавфи омадани сел, фаромадани ярч ва сангрезиш дар пай доранд

Июль 12, 2018 08:05

ДУШАНБЕ, 12.07.2018 /АМИТ «Ховар»/. Тибқи маълумоти Агентии обуҳавошиносии ҷумҳурӣ, то 15 июли соли равон ба ғайр аз Вилояти Мухтори Кӯҳистони Бадахшон дар қисми бештари ноҳияҳои кишвар ҳавои хушку гарм боқӣ мемонад. Ҳарорати ҳаво чун рӯзҳои қаблӣ то ба 43 дараҷа мерасад.

Имрӯз дар вилояти Суғд ҳаво абрноки тағйирёбанда шуда, вазиши шамол аз самти шарқ то 13-18 метр дар як сония мерасад. Дар водиҳо шабона +19+24 ва рӯзона +37+42 дараҷа гарм мешавад. Дар Вилояти Мухтори Кӯҳистони Бадахшон ҳаво абрноки тағйирёбанда гашта, дар баъзе ҷойҳо боридани борон дар назар аст. Шабона +10+15 ва рӯзона +26+31 дараҷа гарм мешавад.

Дар вилояти Хатлон  ҳаво қисман абрнок шуда, дар водиҳо шабона +21+26 ва рӯзона +37 + 42 дараҷа гарм хоҳад шуд.

Дар шаҳру ноҳияҳои тобеи марказ ҳаво тағйирёбандаи абрнок шуда, шабона 17+22 ва рӯзона 35+40 дараҷа гарм мешавад.

Ҳаво дар пойтахти мамлакат- шаҳри Душанбе камабри беғубор шуда, шабона 18+20 ва рӯзона +37+39 дараҷа гарм мешавад.

Тавре аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба мухбири АМИТ «Ховар» хабар доданд, баландшавии ҳарорати ҳаво ва боқӣ мондани он дар доманакӯҳҳою баландкӯҳҳо сабаби обшавии барфҳо ва пиряхҳо мегардад. Ҳамчунин хавфи омадани сел, фаромадани ярч ва сангрезиш ҳамоно баланд боқӣ монда, баландшавии сатҳи оби дарёҳо низ дар назар аст.

«Дар ҷануб, ҷанубу ғарби кишвар эҳтимолияти зуҳуроти хатарноки агрометеорологӣ – «хушкшавии маҳсулоти хоҷагии қишлоқ» дар назар аст. Дар ҳамин иртибот Кумита аз шаҳрвандон ва меҳмонони кишвар хоҳиш мекунад хеле эҳтиёткор бошанд, бахусус ҳангоми истифода аз роҳҳои кӯҳӣ гузаштан ва ҳузур дар соҳили дарёҳову кӯлҳо ботаваҷҷӯҳ бошанд»,-зикр намуд манбаъ.

Июль 12, 2018 08:05

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб