САДАМА. Амалиёти наҷотдиҳӣ поён ёфт: 12 кӯҳнавард ва як сарнишин наҷот дода шуданд. Мутаассифона, 3 кӯҳнавард ва 2 сарнишин ба ҳалокат расидаанд
ДУШАНБЕ, 13.08.2018. /АМИТ «Ховар»/. Ҳавои номусоид сабаби ба садама дучор шудани чархбол гардидааст. Инро сарнишини наҷотёфта ба наҷотдиҳандагони Кумитаи ҳолатҳои фавқулодда ва мудофиаи гражданӣ иброз доштааст.
Дар ин бора ба АМИТ «Ховар» котиби матбуотии Кумитаи ҳолатҳои фавқулодда ва мудофиаи гражданӣ Умеда Юсуфӣ иттилоъ дода, зикр кард, ки, мутаассифона, дар садамаи мазкур 3 кӯҳнавард ва 2 сарнишин ба ҳалокат расида, 12 нафар кӯҳнавардон ва як сарнишин наҷот дода шуданд. Дар айни ҳол наҷотёфтагон ҷароҳатҳои гуногун бардошта, зери назорати табибон қарор доранд.
«Дар хусуси рух додани ҳодисаи фавқулодаи мазкур, сафаратхонаҳои Федератсия Россия, Беларус ва Испания, инчунин вазоратҳои ҳолатҳои фавқулодаи Федератсия Россия ва Беларус дар ҷараён гузошта шудаанд»,-илова намуд манбаъ.
Қаблан иттилоъ дода шуд, ки тақрибан соатҳои 11-и рӯз, пас аз барқарор намудани алоқа бо кӯҳнавардон макони суқути чархбол муайян карда шуд ва барои наҷоти онҳо аз фурудгоҳи ноҳияи Лахш чархболҳо бо наҷотдиҳандагон сафарбар гардиданд.
Ёдовар мешавем, ки 12 август, тақрибан соати 16:30 дар қисми шарқии Тоҷикистон, дар ҳудуди ноҳияи Лахш чархболи МИ-8 бо 15 нафар кӯҳнавард, 13 шаҳрванди Федератсияи Россия, як шаҳрванди Беларус, як шаҳрванди Испания ва 3 сарнишин нишасти дурушт (жесткая посадка) анҷом додааст.
Чархболи МИ-8 бо 15 нафар кӯҳнавар ва се сарнишин ҳангоми бозгашт аз қуллаи Исмоили Сомонӣ дар поёноби пиряхи Фортамбек, ҳудуди ноҳияи Лахш ба садама дучор шудааст.
Барои мушаххас намудани сабабҳои сар задани ҳодисаи мазкур аз ҳисоби роҳбарони КДАМ, ВКД, КҲФ, Вазорати мудофиа ва Вазорати тандурустӣ ва ҳифзи иҷтимоии аҳолӣ комиссияи ҳукуматӣ ташкил шуда, ба ҷойи ҳодиса сафарбар гардидаанд. Инчунин, субҳи имрӯз Ҳукумати Ҷумҳурии Тоҷикистон ба макони садама се чархбол бо наҷотдиҳандагону табибон фиристод.
Садама дар ҳоле рух додааст, ки кӯҳнавардон баъди фатҳи қуллаи Исмоили Сомонӣ ба қароргоҳашон бармегаштанд.
Қуллаи Исмоили Сомонӣ баландтарин нуқта дар қаламрави собиқ Шӯравӣ мебошад, ки баландии он 7495 метр аст.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
ПАРЧАМЕ, КИ БАЛАНД АСТ ВА САРИ МОРО ҲАМЕША БАЛАНД МЕДОРАД. Андешаҳои Шоири халқии Тоҷикистон Камол Насрулло дар ин хусус
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
