Ҳайати парлумонии Тоҷикистон ба Россия сафар намуд
ДУШАНБЕ, 24.10.2018/АМИТ «Ховар»/. Субҳи имрӯз ҳайати парлумонии Ҷумҳурии Тоҷикистон бо даъвати Шӯрои Федератсияи Маҷлиси Федералии Федератсияи Россия ва ҷиҳати иштирок дар Форуми VI байнипарлумонии «Тоҷикистон -Россия: неруи ҳамкории байниминтақавӣ» ба шаҳри Москваи Федератсияи Россия сафар намуд.
Дар ин бора ба АМИТ «Ховар» ёвари раиси палатаи болоии Парлумони мамлакат оид бо робита бо ВАО Наврӯз Қурбонзода иттилоъ дод.
Интизор меравад, ки дар Форуми VI байнипарлумонии «Россия – Тоҷикистон: неруи ҳамкории байниминтақавӣ» аъзои Шӯрои Федератсияи Маҷлиси федералӣ, роҳбарият ва аъзои Ҳукумати Федератсияи Россия, субъектҳои он ва доираи васеи соҳибкорони ҳарду кишвар фаъолона иштирок намоянд.
Дар ҳошияи Форум баргузории ҷаласаҳои Комиссияи ҳамкории Маҷлиси миллии Маҷлиси Олии Ҷумҳурии Тоҷикистон ва Шӯрои Федератсияи Маҷлиси Федералии Федератсияи Россия доир гардида, дар онҳо масъалаҳои марбут ба такмили асосҳои ҳуқуқӣ — омили муҳими ҳамкорӣ, раванди муҳоҷирати меҳнатӣ, рушди ҳамкории иқтисодию тиҷоратӣ, аграрӣ, саноат ва ҳамзамон вазъ ва дурнамои ҳамкории ду кишвар дар соҳаҳои илм, маориф, фарҳанг ва тандурустӣ матраҳ хоҳад гардид.
Бояд тазаккур дод, ки дар ҷаласаи пленарии Форум роҳбарон ва намояндагони вазорату идораҳои марбутаи Ҷумҳурии Тоҷикистон ва Федератсияи Россия, волии бархе аз вилоятҳои Россия, инчунин аъзои Маҷлиси миллии Маҷлиси Олии Ҷумҳурии Тоҷикистон ва вакилони Думаи давлатии Маҷлиси Федералии Федератсия сухан мекунанд.
Интизор меравад, ки иштирокдорони Форум таваҷҷуҳи махсусро ба такмилу таҳкими асосҳои ҳуқуқии ҳамкорӣ, ҳалли масъалаҳои марбут ба муҳоҷирони меҳнатӣ, рушди тиҷорату иқтисод ва дигар самтҳои афзалиятноки дуҷониба бо истифода аз имконоти мавҷуда равона хоҳанд кард.
Дар шаҳри Бӯстон вохӯрии вакили Маҷлиси намояндагон бо интихобкунандагон доир шуд
Ҳайати Парламенти Федератсияи Русия бо бинои нави Парламенти Тоҷикистон шинос гардид
Вакили Маҷлиси намояндагон Барно Саидвализода бо сокинону интихобкунандагон дар ноҳияҳои Муъминобод, Шамсиддин Шоҳин ва Ховалинг вохӯрӣ намуд
Сомонаи нави Маҷлиси намояндагон ба фаъолият шуруъ намуд
Вакили Маҷлиси намояндагон бо масъулони соҳаи маорифи шаҳри Хуҷанд вохӯрӣ намуд
Мавсума Муинӣ дар Форуми парламентҳои осиёӣ оид ба аҳолӣ ва рушд доир ба ташаббусҳои Тоҷикистон дар соҳаи захираҳои об ва иқлим сухан намуд
Дар палатаи поёнии Парлумон бахшида ба Истиқлолияти давлатии Тоҷикистон ҳамоиши идона доир шуд
Дар Кӯлоб барномаҳои рушди иҷтимоию иқтисодӣ ва сиёсии Тоҷикистон баррасӣ гардиданд
Вакилони Маҷлиси намояндагон бо сокинони шаҳри Бохтар вохӯрӣ намуданд
Вакилони Маҷлиси намояндагон бо кормандону табибони шаҳри Хуҷанд мулоқот намуданд
Вакилони палатаи поёнии Парлумони Тоҷикистон дар шаҳру ноҳияҳо бо интихобкунандагон вохӯрӣ менамоянд
Истиқлолияти давлатӣ ва рушди парламентаризми миллӣ
