Бежан Файзуллоев дар Бозиҳои олимпии наврасон-2018 соҳиби медали нуқра гардид
ДУШАНБЕ, 15.10.2018 /АМИТ «Ховар»/. Варзишгари навраси тоҷик Бежан Файзуллоев дар Бозиҳои олимпии наврасон, ки дар шаҳри Буэнос Айреси Аргентина ҷараён доранд, аз намуди тирандозӣ аз таппонча ба масофаи 10 метр дар ҳайати даставии омехта сазовори медали нуқра шуд.
Тавре ба хабарнигори АМИТ «Ховар» аз Кумитаи миллии олимпии Тоҷикистон хабар доданд, ҳамдастаи Бежан дар рақобатҳои даставӣ варзишгардухтари ҳиндӣ Ману Бҳакер буд. Ин ҷуфт дар финал аз ҷуфти Кирил Киров (Булғористон)/Ванесса Сигер (Германия) бо ҳисоби 3:10 шикаст хӯрд. Ҷои сеюмро ҷуфти Дмитро Ҳонта (Украина)/Андреа Викториа Ибарра Миранда (Мексика) ишғол кард.
Ёдовар мешавем, ки дар Бозиҳои 3-юми олимпии наврасон, ки 7 октябр дар шаҳри Буэнос Айреси Аргентина оғоз шуданд, 3 варзишгари Тоҷикистон иштирок доранд: Сулаймони Ҷамшед (дзюдо), Бежан Файзуллоев (тирандозӣ), Анастасия Тюрина (шиноварӣ).
Дар рақобатҳои инфиродӣ варзишгарони мо натавонистанд сазовори медал гарданд. Дар ҳайати даставӣ 10 октябр Сулаймони Ҷамшед медали биринҷӣ ба даст оварда буд.
Хотиррасон менамоем, ки бозиҳо то 18 октябр идома меёбанд. То имрӯз дар ҷадвали ҳисоби медалҳо дастаи мунтахаби Россия бо 37 медал (22 тилло, 9 нуқра, 6 биринҷӣ) дар ҷои аввал аст.
Дастаи мунтахаби Венгрия бо 20 медал (12-5-3) дар зинаи дуюм, дастаи мунтахаби Япония бо 26 медал (9-6-9) дар зинаи сеюм қарор доранд.
Дар маҷмӯъ, дар ин бозиҳо варзишгарони 72 давлат соҳиби медали олимпӣ гардидаанд.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
