БОЗИИ ФИНАЛӢ! Имрӯз дар шаҳри Ваҳдат ғолиби мусобиқа барои Ҷоми Тоҷикистон оид ба футбол муайян мешавад

ДУШАНБЕ, 27.10.2018 /АМИТ «Ховар»/.  Имрӯз дар варзишгоҳи шаҳри Ваҳдат вохӯрии финалии Ҷоми Тоҷикистон бо ширкати дастаҳои «Истиқлол» ва  «Регар-ТадАЗ» барпо мегардад.

То ин дам дастаҳои «Истиқлол» ва  «Регар-ТадАЗ» дар бозии ниҳои Ҷоми Тоҷикистон панҷ маротиба бо ҳам қувва санҷидаанд, ки се маротиба «Истиқлол» ва  ду мартиба «Регар-ТадАЗ дар он пирӯз гаштаанд. Имрӯз дар бозии шашум кадом даста ғолиб меояд, мову шумо хабар хоҳем ёфт.

Соли 2011: «Регар-ТадАЗ» -«Истиқлол» —  1:0

2012: «Регар-ТадАЗ» — «Истиқлол»- 1:1, 6:5 – аз зарбаҳои пеналтии баъди бозӣ.

2013: «Истиқлол» ва  «Регар-ТадАЗ»-2:0

2014: «Истиқлол» ва  «Регар-ТадАЗ»-5:2

2015: «Истиқлол» ва  «Регар-ТадАЗ»- 2:2, 6:5-аз пеналтии баъди бозӣ.

Соли гузашта дар финали Ҷоми Тоҷикистон дастаи «Хуҷанд» бар «Истиқлол» бо натиҷаи 2:0 ғолиб омада Ҷомро болои сар бардошт.

Довари беҳтарини соли гузаштаи мамлакат — Сайёд Зайниддинов ба ҳайси довари бозии финалии Ҷоми Тоҷикистон оид ба футбол байни дастаҳои «Истиқлол» ва  «Регар-ТадАЗ» таъин шудааст. Ба ӯ Ҳамза Шоҳимардонов аз Хуросон ва Исмоил Нуралиев аз Норак кӯмак мерасонанд. Хисрави Сиддиқзод ба ҳайси довари эҳтиётӣ интихоб шудааст. Дараҷаи ин вохӯриро ба назар гирифта ФФТ Насрулло Кабировро аз Норак ва Гулмуроди Саъдуллоро аз шаҳри Душанбе ҳамчун ёварони иловагии довар аз пушти дарвоза таъин намуд. Масулияти нозири доварон дар ин вохӯрӣ ба Юсуф Ишматов ва комиссари бозӣ ба Ҷовидон Ҳасанов вогузошта шуд.