Дар Душанбе Конфронси байниминтақавӣ дар мавзӯи тадбирҳо оид ба коҳиши сатҳи шуғли ғайрирасмӣ баргузор мегардад
ДУШАНБЕ, 02.10.2018. /АМИТ «ХОВАР»/. Пагоҳ, 3 октябри соли 2018 дар шаҳри Душанбе бо ибтикори Федератсияи иттифоқҳои касабаи мустақили Тоҷикистон дар доираи барномаҳои Ташкилоти байналмилалии меҳнат Конфронси байниминтақавӣ дар мавзӯи «Тадбирҳо оид ба коҳиши сатҳи шуғли ғайрирасмӣ. Камчинии меҳнати шоиста ва риояи ҳуқуқҳои меҳнатӣ дар иқтисодиёти ғайрирасмӣ» баргузор мегардад.
Тавре раиси Федератсияи иттифоқҳои касабаи мустақили Тоҷикистон Қодири Қосим ба хабарнигори АМИТ «Ховар» иброз намуд, дар кори конфронс роҳбарону кормандони масъули вазорату идораҳои Тоҷикистон, ташкилоти иттифоқҳои касабаи Иттиҳоди Давлатҳои Мустақил ва Ташкилоти байналмилалии меҳнат иштирок менамоянд.
Ба иттилои номбурда, дар ҷараёни конфронс иштирокчиён атрофи масъалаҳои марбут ба тадбирҳо оид ба коҳиши сатҳи шуғли ғайрирасмӣ ва камчинии меҳнати шоиста, инчунин риояи ҳуқуқҳои меҳнатӣ дар иқтисодиёти ғайрирасмӣ андешаронӣ менамоянд.
Раиси Федератсияи иттифоқҳои касабаи мустақили Тоҷикистон изҳор намуд, ки ҷиҳати беҳтар намудани вазъи зиндагии аҳолӣ моҳи апрели соли равон Созишномаи генералии байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфармоёни Ҷумҳурии Тоҷикистон барои солҳои 2018-2020 ба имзо расид.
Зикр шуд, ки ба тасвибрасии ин ҳуҷҷати муҳим барои пайваста густариш ёфтани ҳамкории Ҳукумати Ҷумҳурии Тоҷикистон ва Федератсияи иттифоқҳои касабаи мустақили Тоҷикистон дар бобати танзиму рушди муносибатҳои меҳнатӣ, ки кафили беҳдошти вазъи зисти мардум мегарданд, мусоидат менамояд.
«Ҷумҳурии Тоҷикистон ҳанӯз аз ибтидои солҳои 90-уми асри гузашта корро оид ба амалӣ намудани меъёрҳои ҳуқуқии меҳнатии байналмилалӣ дар қонунгузории миллӣ оғоз намуда буд. Ба ҳолати имрӯза Ҷумҳурии Тоҷикистон 51 конвенсияи Ташкилоти байналмилалии меҳнатро, ки 8-тои он асосӣ мебошанд, мавриди амал қарор додааст. Дар баробари ин аз ҷониби Тоҷикистон конвенсияҳои №122, «Дар бораи сиёсат дар самти шуғл» ва №142 «Оид ба рушди захираҳои аҳолӣ», ки ба шуғли аҳолӣ дахл мекунанд, амалӣ шуданд»,-гуфт раиси Федератсияи иттифоқҳои касабаи мустақили Тоҷикистон Қодири Қосим.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
