Дар Душанбе коргардонҳои шинохта бо намояндагони ВАО мулоқот намуданд
ДУШАНБЕ, 20.10.2018 /АМИТ «Ховар»/. Коргардонҳои шинохтаи кино Маргарита Қосимова, Асиф Рустамов, Темир Бирназаров ва муҳаққиқи соҳаи кино Ҳушанг Гулмаконӣ дар “Муассисаи Давлатии Академияи ВАО”-и Тоҷикистон бо кормандони воситаҳои ахбори оммаи Тоҷикистон мулоқот анҷом доданд.
Аз Академияи ВАО-и Тоҷикистон ба АМИТ «Ховар» иттилоъ доданд, ки мулоқот дар доираи баргузории Кинофестивали байналмилалии «Дидор» доир гардида, дар он коргардонҳои маъруф таассуроти худро доир ба ин фестивал баён доштанд. Ҳамзамон атрофи вазъи кино дар Тоҷикистон, ташаккули он ва баланд бардоштани маҳорати касбии филмофарони тоҷик ибрози назар карда шуд.
Зикр гардид, ки кинои тоҷик сол аз сол рушду такомул ёфта, дар маҳорат ва касбияти филмофарии ҳунармандони тоҷик комёбиҳо ба назар мерасанд.
То ҷое мусаллам аст, тӯли чанд рӯз мешавад, ки дар пойтахти Ҷумҳурии Тоҷикистон –шаҳри Душанбе кинофестивали «Дидор» идома дошта, ҳадафаш рушди бахши кино ва тавсеаи ҳамкории филмофарони тоҷик бо ҳамкасбони хориҷии худ мебошад.
Бояд тазаккур дод, ки 8-умин Кинофестивали байналмилалии «Дидор» 16 октябр дар шаҳри Душанбе дар «Хонаи кино» оғоз гардида, дар доираи он беш аз 60 филми гуногунҳаҷм ба намоиш гузошта шуданд. Кинои тоҷик фаъолияти худро 11 сентябри соли 1929 оғоз намуда, дар зарфи 88 соли мавҷудияташ симои мардуми тоҷикро дар вазъиятҳои гуногуни таърихӣ ва иҷтимоӣ инъикос кардааст. Кинои тоҷик тӯли ин солҳо ҳамчун яке аз падидаҳои фарҳанги миллӣ вазифаи муқаддаси худро то андозае иҷро карда, ҳамчун оинаи миллат мардуми моро ба ҷаҳониён муаррифӣ намуд.
Кинофестивали 8-уми байналмилалии «Дидор» имрӯз, 20 октябр ба анҷом мерасад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
