Дар Душанбе машғулиятҳои мураббиёни футбол барои ноил шудан ба литсензияи «В» оғоз гардид

ДУШАНБЕ, 24.10.2018 /АМИТ «Ховар»/. Дар шаҳри Душанбе машғулиятҳои мураббиёни футбол барои ноил шудан ба литсензияи «В» оғоз гардид. Роҳбари машуғулиятҳо мутахассиси варзидаи Конфедератсияи футболи Осиё (КФО)- ҳамватани мо  Боир Эгамбердиев буда ба ӯ Усмон Тошев аз Ӯзбекистон кӯмак мерасонад. 

Тавре сардори шӯъбаи департаменти техникии (фаннии) ФФТ Рустам Абдуллоев хабар дод, машғулиятҳо барои ноил шудан ба литсензияи «В» се ҳафта давом мекунад ва 6 ноябр ҷамъбаст хоҳад шуд.

Ба машғулиятҳо 18 нафар мураббиён, аз ҷумлаи Хуршед Маҳмудов, Алифбек Беромов, Нодир Раҳимов, Исмоил Саидов, Саид Ғаюров, Фаррух Чориев, Рустам Ҳалимов, Алишер Полвонов, Увайдо Давлатбеков, Шамсиддин Қосимов, Ширинҷон Мамадсафоев, Асрорҷон Шораҷабов, Қобил Умаров (аз Тоҷикистон), Мирислом Ҳасанов, Сӯҳроб Қобилов, Комил Самиев, Шӯҳрат Мӯсоев (аз Ӯзбекистон) ва Чарлз Накути ( аз Гана) фаро гирифта шудаанд.

Машғулиятҳо амалӣ ва назариявӣ гузаронида шуда, пас аз анҷоми  он мураббиён имтиҳон месупоранд. Онҳо, ки бо муваффақият аз имтиҳонҳо мегузаранд, соҳиби литсензияи «В» мегарданд.