Дар Душанбе мусобиқаи ҷумҳуриявӣ оид ба таэквондо WTF байни наврасон доир мегардад
ДУШАНБЕ, 11.10.2018 /АМИТ «Ховар»/. Рӯзҳои 13-14 октябр дар шаҳри Душанбе мусобиқаи ҷумҳуриявӣ оид ба таэквондо WTF байни наврасони солҳои таваллуди 2001-2004 баргузор мегардад.
Тавре аз Федератсияи таэквандо WTF-и Тоҷикистон ба хабарнигори АМИТ «Ховар» хабар доданд, бо мақсади иштирок дар ин мусобиқа дар шаҳри Кӯлоб марҳилаи интихобӣ аз рӯи ин намуди варзиш роҳандозӣ шуд. Тарғибу ташвиқи таэквондо байни наврасону ҷавонон, мустаҳкам намудани алоқаи дӯстӣ байни варзишгарон ва муайян намудани аъзои дастаи Хатлон-2 аз мақсадҳои асосии мусобиқаи минтақавӣ оид ба ин намуди варзиш арзёбӣ гардид.
Мусобиқаи мазкур байни наврасони солҳои таваллуди 2001-2004 баргузор гардид ва зиёда аз 60 нафар варзишгарони наврас, аз ҷумла духтарон низ дар ин мусобиқаи варзишӣ ширкат варзиданд.
Ёдовар мешавем, ки рӯзҳои 13-14 октябр дар шаҳри Душанбе мусобиқаи ҷумҳуриявӣ оид ба таэквондо WTF байни наврасон-дастпарварони солҳои таваллуди 2001-2004-и мактабҳои варзишии ҷумҳурӣ баргузор мегардад. Беҳтарин варзишгарони наврас ба ин мусобиқа сафарбар карда мешаванд.
Дар анҷоми мусобиқа ғолибон ва ҷоизадорон муайян карда шуда, бо медалу ифтихорнома ва туҳфаҳои бахши кор бо ҷавонон ва варзиши минтақаи Кӯлоб сарфароз гардонида мешаванд.
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
