Дар Тоҷикистон бозиҳои интихобии Чемпионати Осиё оид ба футбол байни бонувон (U-19) оғоз меёбад

ДУШАНБЕ, 23.10.2018 /АМИТ «Ховар»/. Дар Варзишгоҳи марказии шаҳри Ҳисор аз 24-ум то 28-уми октябр даври аввали бозиҳои интихобии Чемпионати Осиё-2019 байни дастаҳои мунтахаби бонувони то 19-сола дар гурӯҳи  «D» гузаронида мешавад.     Барои роҳхат ба даври дуввум дастаҳои мунтахаби Тоҷикистон, Кореяи Ҷанубӣ, Тайбейи Чин ва Бангладеш бо ҳам рақобат мекунанд.

Дастаи мунтахаби Тоҷикистон таҳти роҳбарии Қаноат Латифов бозиҳои худро  бо дастаҳои мунтахаби Тайбейи Чин (24-уми октябр), Кореяи Ҷанубӣ (26-уми октябр) ва Бангладеш (28-уми октябр) доир мекунад. Оғози бозиҳои дастаи мунтахаби Тоҷикистон соати 17:00.

Аз рӯи низомномаи мусобиқа аз 8 гурӯҳ ғолибон ба бозиҳои даври дуввуми интихобӣ, ки аз 22-юм то 30-юми апрели соли 2019 гузаронида мешавад, роҳхат мегиранд. Ба замми ин ду дастаи беҳтарини мақоми дуввум низ аз ин гурӯҳҳо барои бозиҳои даври дувум интихоб мешаванд.

Тақвими бозиҳо чунин аст:

Даври 1

24 октябр

14:00 – Кореяи Ҷанубӣ – Бангладеш

17:00 – Тайбэйи Чмн – ТОҶИКИСТОН

Даври 2

26 октябр

14:00 – Бангладеш –Тайбэйи Чин

17:00 – ТОҶИКИСТОН –Кореяи Ҷанубӣ

Даври 3

28 октябр

14:00 – Кореяи Ҷанубӣ –Тайбэйи Чин

17:00 – ТОҶИКИСТОН – Бангладеш