ФУТБОЛ: дастаи мунтахаби Тоҷикистон дар Бангладеш соҳиби медалҳои нуқра гардид
ДУШАНБЕ, 13.10.2018 /АМИТ «Ховар»/. Шоми дирӯз дар Бангладеш дастаи мунтахаби Тоҷикистон дар бозии ниҳоии мусобиқаи байналмилалӣ барои Ҷоми тиллои Бангабанду аз дастаи миллии Фаластин аз рӯи силсилаи пеналти бо ҳисоби 3:4 шикаст хӯрд. Дастаи Тоҷикистон бо ҷоми хотиравӣ, медалҳои нуқра ва ҷ мукофоти пулӣ ба маблағи 25 ҳазор доллари ИМА мукофотонида шуд.
Тавре ба хабарнигори АМИТ «Ховар» аз Федератсияи футболи Тоҷикистон хабар доданд, бозии ниҳоӣ миёни дастаҳои мунтахаби Тоҷикистон ва Фаластин дар Варзишгоҳи миллии Бангабандуи шаҳри Дакка- пойтахти Бангладеш барпо гардид.
Бозингарони ҳарду даста дар вақти асосӣ лаҳзаҳои зиёди голзанӣ доштанд, вале аз онҳо пурсамар истифода карда натавонистанд. Зимнан, шумораи бозингарони дастаи мунтахаби Тоҷикистон дар нимаи аввали дидор, дар дақиқаи 36-ум як нафар кам шуд.
Сардовари бозӣ Муҳаммад Мизанур Раҳмон ба бозингари дастаи мунтахаби Тоҷикистон Фатҳулло Фатҳуллоев барои рафтори ғайриварзишӣ баргаи сурх нишон дод ва ӯро аз майдон хориҷ кард.
Замони асосии дидор бо ҳисоби 0:0 ба анҷом расид. Барои муайян кардани ғолиб 30 дақиқа вақти изофа (ду қисми 15-дақиқагӣ) таъйин гардид, вале он низ бе гол хотима ёфт. Ғолибро силсилаи зарбаҳои 11-метрӣ маълум намуд. Дар задани пеналти фаластиниҳо маҳорати баланд зоҳир карданд.
Ба ин тартиб, бозии ниҳоӣ аз рӯи силсилаи пеналти бо пирӯзии дастаи мунтахаби Фаластин бо ҳисоби 4:3 ба поён расид. Баъди анҷоми бозии ниҳоӣ дар вазъияти ботантана ба дастаи ғолиб Ҷоми тиллоии Бангабанду, медалҳои тилло ва ҷоизаи молӣ ба маблағи 50 ҳазор доллари ИМА тақдим гардид.
Футболбозони тоҷик барои ҷойи дуюм бо ҷоми хотиравӣ, медалҳои нуқра ва ҷоизаи молӣ ба маблағи 25 ҳазор доллари ИМА мукофотонида шуданд.
Кумитаи тадорукоти мусобиқа дарвозабони дастаи мунтахаби Тоҷикистон Рустам Ризоевро беҳтарин дарвозабони «Bangabandhu Gold Cup» эътироф намуда, бо ҷоиза сарфароз гардонд. Инчунин ба ҳамлагари дастаи мунтахаби Тоҷикистон Комрон Турсунов, ки дар ин мусобиқа ду гол задааст, ҷоизаи беҳтарин нишонзан супурда шуд.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
