Имрӯз дар Душанбе ҷаласаи мушовираи вазоратҳои корҳои дохилии Тоҷикистон ва Россия баргузор мегардад
ДУШАНБЕ, 16.10.2018 /АМИТ «Ховар»/. Имрӯз дар Бӯстонсарои шаҳрии Ҳукумати Ҷумҳурии Тоҷикистон дар шаҳри Душанбе ҷаласаи навбатии мушовираи вазоратҳои корҳои дохилии Ҷумҳурии Тоҷикистон ва Федератсияи Россия баргузор мегардад.
Тавре сардори маркази матбуоти Вазорати корҳои дохилии Ҷумҳурии Тоҷикистон Умарҷони Эмомалӣ ба мухбири АМИТ «Ховар» хабар дод, дар ҷаласаи мазкур масъалаҳо оид ба мустаҳкам намудани ҳамкорӣ миёни вазоратҳои корҳои дохилии Ҷумҳурии Тоҷикистон ва Федератсияи Россия дар самти ҷустуҷӯи ҷинояткорони аз тафтишот ва суд пинҳоншуда, бе ному нишоншудагон, муайян кардани шахсияти ҷасадҳои шинохтанашуда ва ғайра баррасӣ мегарданд.
Ба иттилои манбаъ, дар фарҷоми ҷаласа ҳуҷҷатҳои ҷамъбастии он ба имзо расида, барои намояндагони ВАО нишасти матбуотӣ доир мегардад.
Мавриди зикр аст, ки 24 майи соли 2016 Президенти Ҷумҳурии Тоҷикистон муҳтарам Эмомалӣ Раҳмон Вазири корҳои дохилии Федератсияи Россия Владимир Колоколтсевро, ки барои иштирок дар ҷаласаи ҳайати мушовираи якҷояи вазоратҳои корҳои дохилии ду кишвар ба Душанбе бо сафари корӣ ташриф оварда буд, ба ҳузур пазируфтанд.
Зимни суҳбат масоили вобаста ба ҳолати вақт ва дурнамои ҳамкории мақомоти ҳифзи ҳуқуқи Тоҷикистон ва Россия, ҳамчунин дигар ҷанбаҳои мубрами муносибатҳои ду кишвар мавриди баррасӣ қарор гирифтанд.
Ёдовар мешавем, ки ҳайати меҳмонони Вазорати корҳои доххилии Федератсия Россия аз мавзеъҳои фарҳангӣ-фароғатии «Боғи Ирам» ва манзараҳои дараи Варзоб дидан менамоянд.
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
