Имрӯз, дар оғози бозиҳои интихобии Чемпионати Осиё байни бонувон (U-19), дастаи мунтахаби Тоҷикистон бо Тайбейи Чин қувва месанҷад

ДУШАНБЕ, 24.10.2018 /АМИТ «Ховар»/. Имрӯз  дар Варзишгоҳи марказии шаҳри Ҳисор дар оғози даври аввали бозиҳои интихобии Чемпионати Осиё-2019 байни дастаҳои мунтахаби бонувони то 19-сола дар гурӯҳи  «D»  дастаҳои мунтахаби Тоҷикистон ва Тайбейи Чин, соати 17:00, вориди майдон мешаванд.

Дар остонаи ин бозиҳо дар меҳмонхонаи «Тоҷикистон» нишасти матбуотӣ бо сармураббиёни дастаҳои мунтахаби иштирокдор, ки аз Кореяи Ҷанубӣ, Тайбейи Чин ва Бангладеш омадаанд, нишасти матбуотӣ баргузор гардид. Қаноат Латифов-сармураббии дастаи мунтахаби Тоҷикистон, Робин аз Тайбейи Чин, Ғулом Раббонӣ Чатан аз Бангладеш ва Ҳур Ҷен Ҷе аз Кореяи Ҷанубӣ ба саволҳои хабарнигорон ҷавоб гуфта, омода будани дастаҳоро ба ин мусобиқаи бонуфузи осиёӣ баён доштанд.

Имрӯз, ҳамчунин бозии байни дастаҳои мунтахаби Кореяи Ҷанубӣ ва Бангладеш, соати 14:00 шурӯъ мегардад.
 

Тақвими бозиҳо чунин аст:

Даври 1

24 октябр

14:00 – Кореяи Ҷанубӣ – Бангладеш

17:00 – Тайбэйи Чин – ТОҶИКИСТОН

Даври 2

26 октябр

14:00 – Бангладеш –Тайбэйи Чин

17:00 – ТОҶИКИСТОН –Кореяи Ҷанубӣ

Даври 3

28 октябр

14:00 – Кореяи Ҷанубӣ –Тайбэйи Чин

17:00 – ТОҶИКИСТОН – Бангладеш.