Намояндагони Тоҷикистону Америка масъалаҳои мубориза бо терроризм ва ҳифзи тартиботи ҷамъиятиро баррасӣ намуданд
ДУШАНБЕ, 15.10.2018 /АМИТ «Ховар»/. Намояндагони Вазорати корҳои дохилии Ҷумҳурии Тоҷикистон ва Полиси Метрополитени шаҳри Вашингтони Иёлоти Муттаҳидаи Америка масъалаҳои мубориза бо терроризм ва ҳифзи тартиботи ҷамъиятиро баррасӣ намуданд.
Дар ин бора аз Вазорати корҳои дохилии Ҷумҳурии Тоҷикистон ба мухбири АМИТ «Ховар» иттилоъ дода, афзуданд, ки баррасии масъалаҳои мазкур зимни боздид ва шиносоии гурӯҳи кории вазорат бо фаъолияти Полиси Метрополитени шаҳри Вашингтони Иёлоти Муттаҳидаи Америка сурат гирифт.
Ба иттилои манбаъ, дар ҷараёни мулоқот роҳбари Полиси Метрополитени шаҳри Вашингтон аз фаъолияти он ба намояндагони Вазорати корҳои дохилӣ маълумот дод.
«Дар ҷараёни боздид гурӯҳи кории вазорат бо кори камераҳои мушоҳидавии шаҳри Вашингтон, нақш ва фаъолияти онҳо дар таъмини тартиботи ҷамъиятӣ ва қоидаи ҳаракат дар роҳ аз наздик шинос гардид»,-илова намуд манбаъ.
Бояд гуфт, ки ба гурӯҳи кории ВКД сардори Раёсати кадрҳо ва кор бо ҳайати шахсӣ, генерал-майори милитсия Суҳроб Рамазонзода, ҳамоҳангсози миллӣ оид ба ислоҳоти милитсияи ВКД, генерал-майори милитсия Фарҳод Шодмонзода ва дигарон шомил мебошанд.
Мақсад аз сафари онҳо шиносоӣ бо фаъолияти полиси ИМА ва омӯхтани таҷрибаи он дар ҳамаи самтҳои фаъолият, аз ҷумла, тарзи кори полиси сайёҳӣ мебошад.
Ёдовар мешавем, ки намояндагони Вазорати корҳои дохилӣ аз аввали моҳи октябр то имрӯз дар чандин ҳамоишу мулоқот оид ба мубориза бо терроризму экстремизм, ислоҳоти милитсия, пешгирии амалҳои ғайриқонунӣ иштирок намуданд.
Сафари кории гурӯҳ 18 октябр ба анҷом мерасад.
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
Имрӯз дар Тоҷикистон ҳавои тағйирёбандаи бебориш дар назар аст
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
