Вакилони Парлумони Тоҷикистон ба Кодекси шаҳрсозии Ҷумҳурии Тоҷикистон тағйирот ворид намуданд

Октябрь 31, 2018 13:00

ДУШАНБЕ, 31.10.2018/АМИТ «Ховар»/. Дар ҷаласаи  навбатии иҷлосияи панҷуми палатаи поёнии Парлумони мамлакат, ки имрӯз таҳти раёсати Раиси Маҷлиси намояндагон Шукурҷон Зуҳуров доир гардид, лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Кодекси шаҳрсозии Ҷумҳурии Тоҷикистон» баррасӣ  ва қабул гардид.

Зикр шуд, ки лоиҳаи Қонуни мазкур бо мақсади такмил додани санадҳои меъёрии ҳуқуқии соҳаи меъморӣ ва сохтмон, беҳтар намудани пешбурди фаъолияти соҳибкорӣ дар соҳаи фаъолияти меъморӣ, шаҳрсозӣ ва сохтмон таҳия  гардидааст. Бо қабул гардидани лоиҳаи қонуни мазкур заминаи ҳуқуқӣ барои мукаммал ва мушаххас намудани муқаррароти моддаҳои марбутаи Кодекси шаҳрсозӣ  гузошта мешавад.

Ҳамзамон дар иҷлосия вакилони Маҷлиси намояндагон  лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи тамғаҳои молӣ ва тамғаҳои хизматрасонӣ» низ муҳокима ва қабул гардид.

Зимни тавзеҳи масъалаи мазкур Вазири рушди иқтисод ва савои ҷумҳурӣ Неъматулло Ҳикматуллозода гуфт, ки лоиҳаи қонуни мазкур бо мақсади мутобиқ  намудан ба талаботи пешбинӣ намудаи Кодекси граждании Ҷумҳурии Тоҷикистон, Конвенсияи Париж «Оид ба ҳифзи моликияти саноатӣ», Созишномаи Мадрид «Дар бораи бақайдгирии байналмилалии тамғаҳо» ва Шартномаи Сингапур «Дар бораи қонунҳои тамғаи молӣ» таҳия гардидааст.

Инчунин зимни баррасии масъалаи ниҳоии рӯзномаи иҷлосия — лоиҳаи Қонуни Ҷумҳурии Тоҷикистон «Дар бораи берун баровардан ва ворид намудани сарватҳои таърихию фарҳангӣ»  таъкид шуд, ки    лоиҳаи қонуни мазкур бо мақсади мутобиқ намудан ба  Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи санадҳои меъёрии ҳуқуқӣ», аз лиҳози талаботи забони давлатӣ такмил додан, муқаррар намудани якчанд меъёрҳои нав вобаста ба талаботи замони муосир,  инчунин густариши муносибатҳо ва робитаҳои фарҳангии Ҷумҳурии Тоҷикистон бо дигар давлатҳо таҳия гардидааст.

Октябрь 31, 2018 13:00

Хабарҳои дигари ин бахш

Вакили Маҷлиси намояндагон дар Форуми Осиёгӣ оид ба аҳолӣ ва рушд дар Босния ва Герсеговина иштирок намуд
Дар Маҷлиси намояндагон фраксияҳои ҳизбӣ таъсис дода шуд
Муовини Раиси Маҷлиси намояндагон бо ҳайати Шоҳигарии Белгия мулоқот намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар шаҳри Сочӣ аз маҷмааи таълимии «Сириус» дидан намуданд
Раиси Маҷлиси намояндагон бо роҳбарони ҳайатҳои Форуми «Муколамаи занони Осиёи Марказӣ» мулоқот намуд
Рустами Эмомалӣ бо Раиси Думаи давлатии Маҷлиси Федералии Федератсияи Русия Вячеслав Володин мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Федератсияи Русия Владимир Путин мулоқот намуданд
Рустами Эмомалӣ бо Раиси Шурои Федератсияи Маҷлиси Федералии Федератсияи Русия Валентина Матвиенко мулоқот намуданд
Рустами Эмомалӣ дар назди оромгоҳи Сарбози номаълум дар боғи Александри шаҳри Москва гулчанбар гузоштанд
Рустами Эмомалӣ барои анҷом додани сафари расмӣ вориди шаҳри Москва гардиданд
Дар Маҷлиси намояндагон Қонуни Ҷумҳурии Тоҷикистон «Дар бораи маърифати экологии аҳолӣ» баррасӣ гардид
Рустами Эмомалӣ ба шаҳри Москваи Федератсияи Русия сафар намуданд