Кумитаи дин, танзими анъана ва ҷашну маросим ба иштибоҳи худ иқрор кард
ДУШАНБЕ, 24.11.2018./АМИТ «Ховар»/. Тавре хонандагони мо иттилоъ доранд, дар сомонаи АМИТ «Ховар» 22 ноябри соли равон таҳти сарлавҳаи «ИҶОЗАТНОМА БАРОИ РИШ?!.» мақолаи интиқодӣ чоп шуда буд. Аслан он пурра аз вокуниши Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ба гузориши солонаи як созмони ИМА оид ба озодиҳои динӣ дар Тоҷикистон иборат аст, ки Кумита ба Агентӣ ирсол намуда буд.
Дар робита ба ин мақола рӯзи дигар, 23 ноябр, ба АМИТ «Ховар» аз номи афсари хадамоти иттилоотии Сафорати ИМА дар Тоҷикистон Ҷеф Риденор нома расид, ки дар он, аз ҷумла, чунин омадааст:
«Ҳамкорони гиромӣ! Мехостам роҷеъ ба мақолаи интиқодии Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, ки дар сомонаи агентии миллии иттилоотии «Ховар» зери сарлавҳаи «Иҷозатнома барои риш?!» чоп шудааст, як нуктаи муҳимро баён кунам. Ин гузориш гузориши Департаменти давлатии Амрико нест.
Гузориши Департаменти давлатии Амрикоро метавонед тариқи ҳамин пайванд дарёфт кунед. Гузорише, ки Кумитаи дин ба он такя мекунад, гузориши Комиссияи ИМА оид ба озодии байналмилалии динӣ (USCIRF) мебошад.
Боз як нуктаи дигар, ки бояд қайд шавад: Ҳукумати Иёлоти Муттаҳида дар омода намудани гузориши Департаменти давлатӣ оид ба озодии динӣ бо Ҳукумати Ҷумҳурии Тоҷикистон гуфтушунид мекунад».
Мо худи ҳамон рӯз вобаста ба номаи афсари Сафорати ИМА ба Кумитаи дин, танзими анъана ва ҷашну маросим муроҷиат намудем. Ва худи ҳамон рӯз Кумита расман бо имзои муовини Раис Ф. Олимзода ба мо нома навишта, ба иштибоҳи худ иқрор намуд. Кумита навиштааст:
«Ба маълумоти шумо мерасонем, ки дар матни вокуниши Кумита вобаста ба озодиҳои динӣ, ки дар сомонаи АМИТ «Ховар» нашр гардид, саҳван ба ҷои Комиссияи ИМА оид ба озодии байналмилалии динӣ Департаменти давлатии ИМА навишта шудааст. Аз ин лиҳоз, аз шумо хоҳиш менамоем, ки матни мазкур бо назардошти иштибоҳи зикршуда таҳрир карда шавад».
АМИТ «Ховар» иштибоҳи Кумитаро ислоҳ намуд ва аз хонандагони худ пӯзиш мехоҳад.
«КОРВОНИ ДИДОР». Бахшида ба рӯзи Қувваҳои Мусаллаҳи Ҷумҳурии Тоҷикистон дар ноҳияи Шоҳмансур ҳамоиши тантанавӣ доир шуд
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
