Нақши академик Бобоҷон Ғафуров дар рушди илму маорифи Тоҷикистон ва Россия баланд арзёбӣ гардид
ДУШАНБЕ, 22.11.2018 /АМИТ «Ховар»/. Конференсияи байналмилалии илмӣ ба муносибати 110-солагии олими барҷастаи тоҷик, шахсияти сиёсӣ ва ходими давлатӣ, Қаҳрамони Тоҷикистон академик Бобоҷон Ғафуров имрӯз дар доираи Намоишгоҳи «Тоҷикистон ва Россия: бо роҳи дӯстӣ ва созандагӣ» бо иштироки олимону муаррихон ва сиёсатмадорони шинохтаи Тоҷикистону Россия баргузор гардид.
Конференсия дар маҷлисгоҳи Осорхонаи миллии Тоҷикистон бо сухани ифтитоҳии президенти Академияи илмҳои Ҷумҳурии Тоҷикистон академик Фарҳод Раҳимӣ оғоз шуд. Сипас Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ва намояндаи Федератсияи Россия маърӯза намуда, ин олими барҷастаи тоҷикро пайвандгари дӯстию рафоқат миёни Тоҷикистон ва Россия муаррифӣ карданд. Дар музокираҳои илмии олимони дигари ду кишвари бо ҳам дӯст низ саҳми ин академики барҷаста дар рушди илму маорифи Тоҷикистон ва Россия баланд арзёбӣ гардид.
Зикр шуд, ки Академик Бобоҷон Ғафуров муаллифи қариб 400 асару мақолаҳо оид ба таърихи халқи тоҷик ва таърихи ҷаҳон мебошад, ки дар нашрияҳои гуногуни дунё чоп шудаанд. Асарҳои ӯ бо забонҳои гуногун дар Деҳлӣ, Берлин, Рим, Пекин, Афина, Кобул, Париж, Варшава ва ғайраҳо бо теъдоди зиёд ба табъ расидаанд. Аллома Бобоҷон Ғафуров муаллифи шоҳасар ва китоби рӯимизии ҳар як хурду бузурги миллати тоҷик — «Тоҷикон» мебошад.
Дар ҷараёни конференсия академики АИ ҶТ Акбар Турсун дар мавзўи «Дӯстии халқҳо ҳамчун дастури идеологӣ, амалияи сиёсӣ ва парадигмаи илм: саҳми Б.Ғафуров» андешаҳои худро иброз намуд.
Дар конференсия ҳамзамон масоили мубрами таърихи ҳамкории дуҷонибаи Ҷумҳурии соҳибистиқлоли Тоҷикистон ва Федератсияи Россия дар самтҳои ҳаёти сиёсӣ, илмию фарҳангӣ ва иқтисодию иҷтимоӣ аз замони қадим то даврони муосир мавриди баррасӣ қарор гирифт.
ЭЪТИРОФИ СИЁСАТИ ОЯНДАБИНИИ ПЕШВОИ МИЛЛАТ АЗ ҶОНИБИ ҶОМЕАИ ҶАҲОНӢ. Мулоҳизаҳои ходими адабии АМИТ «Ховар» дар ин хусус
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
