Паҳлавонони тоҷик дар Гран-прии Тошканд ду ҷои ҳафтумро соҳиб шуданд
ДУШАНБЕ, 12.11.2018 /АМИТ «Ховар»/. Рӯзҳои 9-11 ноябр дар шаҳри Тошканди Ҷумҳурии Ӯзбекистон мусобиқаи Гран-при оид ба дзюдо баргузор шуд, ки дар он дастаи мунтахаби Тоҷикистон дар ҳайати 14 нафар иштирок кард.
Тавре аз Федератсияи дзюдои Тоҷикистон ба мухбири АМИТ «Ховар» Меҳрони Қурбон хабар доданд, дар мусобиқа 352 варзишгар (201 мард, 151 зан) аз 47 кишвари дунё барои ҷойҳои ифтихорӣ талош карданд. Аз ҷумҳурии мо 14 варзишгар (2 нафар зан) дар мусобиқаи мазкур иштирок карданд.
Беҳтарин натиҷаи нишондодаи варзишгарони мо ноил шудан ба ду ҷои ифтихории ҳафтум мебошад.
Дар рӯзи аввал қувваозмоиҳо дар вазнҳои -60кг, -66кг миёни мардон ва -48кг, 52кг, 57кг миёни бонувон баргузор шуданд. Варзишгарони мо Иброҳим Абдуллоев, Меҳрзод Суфиев (-60кг), Идибег Тоиров (-66кг), Фазилат Гулбоева (-52кг) ва Шоҳида Қаландарова (-57кг) дар даври аввал аз ҳарифонашон шикаст хӯрданд.
Дар рӯзи дуюм низ Мирзоҷамил Рамазонов, Раҳматуллобек Фарҳодов (-73кг), Ҷаҳонгир Маҷидов, Акмал Муродов (-81кг) дар даври аввал мағлуб шуданд.
Дар рӯзи сеюм Эмомҷон Камолов (-90кг), Темур Раҳимов (+100кг) дар даври аввал, Шарифҷон Назриев (-100кг), баъд аз як пирӯзӣ бар варзишгари Туркманистон дар даври дуюм шикаст хӯрданд. Саидҷалол Саидов (-100кг) ва Шакармамад Мирмамадов (+100кг) ҷойи ҳафтумро ишғол намуданд.
Саидҷалол дар даври аввал бар Уҳлас Сетдаров (Туркманистон), дар даври дуюм бар Муҳаммадкарим Хуррамов (Ӯзбекистон) ғалаба карда, дар чорякфинал аз варзишгари Миср Рамазон Дарвеш ва дар рақобати тасаллобахш аз варзишгари Германия Карл Ричард Фрей шикаст хӯрд.
Шакармамад, ки дар даври аввал озод буд, дар даври дуюм бар намояндаи Қазоқистон Галимжан Крикбай ғолиб омада, дар чорякфинал аз варзишгари мизбон Бекмурод Олтибоев ва дар рақобати тасаллобахш аз намояндаи дигари кишвари мизбон Ихтиёр Холмуродов мағлуб шуд.
Ҳамин тавр, Тоҷикистон дар ҳисоби даставӣ бо ду ҷои ҳафтум мавқеи 32-юмро ишғол намуд.
Косово бо 3 медали тилло, 1 нуқра ҷои аввал, Озарбойҷон бо 3 медали тилло, 1 биринҷӣ ҷои дуюм, Муғулистон бо 2 медали тилло, 1 нуқра ҷои сеюмро ишғол карданд.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
