РАДДИЯ БА ИТТИЛООТИ НОДУРУСТ. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон хабари бардурӯғро инкор намуд
ДУШАНБЕ, 29.11.2018. /АМИТ «Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон вобаста ба хабари сомонаи «Радиои Озодӣ» таҳти унвони «Чӣ хеле хостанд, ҳамон хел мошин меронанд», раддия баён намуд.
Тавре аз ин раёсат ба мухбири АМИТ «Ховар» иттилоъ доданд: «Хабарнигори «Радиои Озодӣ» бо ягон масъули мақомоти корҳои дохилӣ ҳамсуҳбат нашудааст ва омори дар хабари мазкур дарҷгардида, ки гӯё тайи як соли охир дар гӯшаҳои Тоҷикистон дар натиҷаи садамаҳои нақлиётӣ «беш аз 700 нафар ҷон бохта, беш аз 2300 тани дигар маҷрӯҳ шудаанд», нодуруст мебошад».
Аз ин хотир, манбаъ расман иттилоъ медиҳад, ки дар роҳҳои мошингарди ҷумҳурӣ аз 1 январ то 29 ноябри соли равон 1 ҳазору 140 ҳодисаи садамаи роҳу нақлиёт ба қайд гирифта шудааст, ки бар асари онҳо 347 нафар пиёдагард ба ҳалокат расида, 1 ҳазору 195 нафари дигар ҷароҳатҳои гуногуни ҷисмонӣ бардоштаанд.
«Шумораи мазкур дар ҳамин давраи соли 2017 ба 1 ҳазору 185 адад рост меояд, ки дар натиҷа 402 нафар ба ҳалокат расида, 1 ҳазору 228 нафар ҷароҳатҳои гуногуни ҷисмонӣ бардошта буданд», — омадааст дар иттилоияи расмии Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон.
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
