Суханронии Муовини вазири корҳои хориҷии Ҷумҳурии Италия Манлио ди Стефано дар ҷамъомади тантанавӣ ба муносибати ба кор андохтани агрегати якуми НБО “Роғун”
ДУШАНБЕ, 16.11.2018 /АМИТ «Ховар»/. Муовини вазири корҳои хориҷии Ҷумҳурии Италия Манлио ди Стефано 16 ноябр дар ҷамъомади тантанавӣ ба ифтихори ба кор андохтани агрегати якуми Неругоҳи барқи обии “Роғун” иштирок ва суханронӣ намуд. Матни пурраи суханронии ӯ дар зер оварда мешавад:
«Ҷаноби Олӣ, муҳтарам Президент,
Ҷаноби Сарвазир, ҷанобон вазирон,
Муовини Бонки ҷаҳонӣ,
Муҳтарам сафирон,
Хонумон ва ҷанобон!
Барои ман шарафи бузург аст, ки имрӯз бо шумо ҳастам ва дар ин маросим иштирок мекунам.
Тоҷикистон тайи солҳои соҳибистиқлолӣ таҳти роҳбарии дурбинонаи Шумо ба дигаргуниҳои миқёсӣ ноил гардид. Имрӯз мо шоҳиди рӯйдоди муҳим ҳастем.
Ба кор андохтани агрегати аввали лоиҳаи тақдирсоз тамоман давраи нави рушди гидроиндустрии муосирро дар худ таҷассум мекунад.
Роғун – ин шаҳомати усули фановарӣ дар мутобиқат бо ҳалли мушкилоти мураккаби муҳандисию техникист.
Эҳсоси ифтихор мекунам, ки мо дар назди дастоварди бузурги инсонӣ ва технологӣ – сарбанди Роғун, ки бо баландии 335 метр дар дунё аз ҳама бузургтарин хоҳад буд, қарор дорем.
Қобили таваҷҷуҳи махсус он аст, ки ширкати итолиявии “Salini Impregilo”- ширкати маъруфи ҷаҳонӣ дар соҳаи сохтмон ва инфрасохтор барои расидан ба ин дастовардҳои назаррас мусоидат мекунад.
Бешубҳа, лоиҳаи мазкур барои кишвар аҳамияти стратегӣ дорад. Самараи мусбати лоиҳа, албатта ба бахши иқтисодиёт низ таъсир расонида, иқтидори истеҳсолиро дучанд мегардонад ва ба рушди кишоварзӣ ва тавозуни бозор мусоидат менамояд.
Ин лоиҳа барои тамоми минтақа аҳамияти стратегӣ дорад, зеро дар доираи лоиҳаи интиқоли неруи барқи «Осиёи Марказӣ – Осиёи Ҷанубӣ (маъруф ба CASA-1000) Тоҷикистон, Қирғизистон, Афғонистон ва Покистон аз истифодаи неруи барқи дар Неругоҳи барқи обии «Роғун» истеҳсолшаванда манфиат ба даст меоранд.
Масъалаи таъмини неруи барқ мисли масъалаи муҳити зист ва тағйирёбии глобалии иқлим аз мушкилоти ҷаҳонӣ ба шумор меравад, ки барои ҳалли он муносибати муштарак дар сатҳи минтақавӣ ва байналмилалӣ зарур мебошад.
Италия ҳамчун шарики дуҷониба ва узви Иттиҳоди Аврупо, рӯҳияи ҳамкорӣ дар Осиёи Марказиро истиқбол ва дастгирӣ мекунад. Италия ва ширкатҳои италиявӣ омодаанд, ки ҳиссаи худро дар ин лоиҳа иҷро намоянд. Мо ба Тоҷикистон дар самти амалӣ гардидани талошҳояш ҷиҳати навсозӣ ва ислоҳот дастгирии ҳамаҷониба мерасонем.
Ва шуморо бовар мекунонам, ки аз кори мо қаноатманд хоҳед шуд.
Метавон бо итминон изҳор намуд, ки лоиҳаи мазкур, ки аз ҷониби «Салими Импреҷило» татбиқ мешавад, рамзи дӯстии устувори Тоҷикистону Италия мебошад.
Ташаккур, биёед бузургии ин шоҳкории технологиро ба ҷаҳон нишон бидиҳем».
ЭЪТИРОФИ СИЁСАТИ ОЯНДАБИНИИ ПЕШВОИ МИЛЛАТ АЗ ҶОНИБИ ҶОМЕАИ ҶАҲОНӢ. Мулоҳизаҳои ходими адабии АМИТ «Ховар» дар ин хусус
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
Имрӯз таҳти раёсати Сарвазири Тоҷикистон Қоҳир Расулзода ҷаласаи солонаи саҳмдорони Неругоҳи барқи обии «Роғун» баргузор шуд
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
