ВКД ҶТ ХАБАР МЕДИҲАД: боз як гумроҳ хатояшро дарк кард
ДУШАНБЕ, 26.11.2018 /АМИТ «Ховар»/. Кормандони шуъбаи мубориза бар зидди ҷиноятҳои муташаккили Раёсати мубориза бар зидди ҷиноятҳои муташаккили Вазорати корҳои дохилӣ (РМЗҶМ ВКД) дар вилояти Суғд дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва барномаи давлатии баргардонидани афроди гумроҳ, пайравони гурӯҳу равияҳои дорои хусусияти экстремистию террористии фаъолияташон дар Тоҷикистон мамнӯъ, ки берун аз ҳудуди кишвар қарор доранд, бо бурдани корҳои фаҳмондадиҳӣ тавонистанд боз як ҳамватани моро аз таъқиби ҷиноятӣ озод намоянд.
Шаҳрванд Ахмедов Мирзоҳаким Мирзоумарович, соли таваллудаш 1983, истиқоматкунандаи Ҷамоати деҳоти Чилгазии шаҳри Исфара қариб чор сол боз ҳамчун аъзои фаъоли ташкилоти экстремистию терростии «Гурӯҳи 24» барои содир намудани ҷинояти дар моддаҳои 307, иловаи 1 ва 307, иловаи 2 Кодекси ҷиноятии Ҷумҳурии Тоҷикистон (Даъвати оммавӣ дар ба амал баровардани фаъолияти экстремистӣ; Ташкили иттиҳоди экстремистӣ) дар кофтуков карор дошт.
Бино ба маълумоти фаврию тафтишотии исботшуда, шаҳрванд М. Ахмедовро мубаллиғони «Гурӯҳи 24» (мамнӯъ дар Тоҷикистон) тавассути шабакаҳои иҷтимоӣ ҷалб намудаанд. Бо шомил шудан ӯ дар саҳифаҳои интернетӣ ба ҳайси таблиғотчӣ баромадҳои иғвоангез намуда, ба бадномкунии Тоҷикистон машғул шудааст. Чунин кирдори ҷиноятӣ боис гашт, ки моҳи марти соли 2015 нисбат ба Мирзоҳаким Ахмедов аз ҷониби Раёсати тафтишотии ВКД парвандаи ҷиноятӣ оғоз шавад.
Бо мусоидати мақомоти корҳои дохилӣ дар асоси эзоҳи моддаҳои дахлдори Кодекси ҷиноятии Ҷумҳурии Тоҷикистон гумроҳ Мирзоҳаким Ахмедов, ки аллакай хатояшро дарк намуд, ба Ватан баргашт.
Қонунгузории Ҷумҳурии Тоҷикистон имкон медиҳад, ки новобаста аз хавфнокии ҷиноятҳои дорои хусусияти экстремистӣ дар сурати ихтиёрӣ ҳозир шудан ва мавҷуд набудани дигар аломатҳои таркиби ҷиноят шахси гунаҳгор авф карда шавад. Ҳар нафари ба чунин ҷиноятҳо айбдоршаванда имкон дорад дар ҳамкорӣ бо мақомоти ҳифзи ҳуқуқи Тоҷикистон аз ин фурсат истифода барад.
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
