Ҳаким Фузайлов сармураббии дастаи футболи «Истиқлол» таъйин гардид
ДУШАНБЕ, 04.12.2018 /АМИТ «Ховар»/. Роҳбарияти дастаи футболи «Истиқлол» Ҳаким Фузайловро ба вазифаи сармураббии бошгоҳ таъйин намуд. Дар ин бора ба мухбири АМИТ «Ховар» аз Федератсияи футболи Тоҷикистон хабар доданд.
Шартнома байни дастаи футболи «Истиқлол» ва сармураббӣ 3 декабр ба имзо расид. Дар назди мутахассиси ҳамватанамон дар ҳама мусобиқаҳое, ки қаҳрамони 7-каратаи кишвар ширкат мекунад, ҳадафҳои бузург гузошта шудаанд. Ҳаким Фузайлов рӯзҳои наздик расман ба аҳли даста муаррифӣ мешавад ва сипас ба кор шурӯъ хоҳад кард.
Ба Фузайлов дар даста Алишер Тӯхтаев, ки то ин дам сармураббии даста буд, ва Александр Кит, ки ба тамринҳо бо дарвозабон ҷавобгар аст, кумак хоҳанд кард.
«Пеш аз ҳама ин масъулияти калон мебошад, зеро сол аз сол «Истиқлол» нишон медиҳад, ки ӯ боқувваттарин бошгоҳи кишвар аст ва Тоҷикистонро дар мусобиқаҳои бонуфузи Осиёӣ муваффақона намояндагӣ мекунад. Гурӯҳи калони футболбозни ин бошгоҳ дар дастаҳои яккачини гуногуни кишвар ҳунарнамоӣ мекунанд ва ин масъулиятро боз ҳам бештар мекунад. Фаъолият кардан дар бошгоҳе, чун «Истиқлол» хеле гуворост, зеро назди даста дар мусобиқаҳои бонуфуз ҳадафҳои бузург гузошта шудаанд»,– гуфт Фузайлов пас аз таъйин гардидан ба ҳайси сармураббии дастаи футболи «Истиқлол».
Ёдовар мешавем, ки шурӯъ аз моҳи апрели соли 2016 то моҳи марти соли 2018 Ҳаким Фузайлов сармураббии дастаи мунтахаби Тоҷикистонро ба уҳда дошт. Ҳамчунин ӯ сармураббии дараҷаи «Pro» ба шумор меравад.
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
