Ғолибони мусобиқаи кушоди байналмилалӣ оид ба гӯштини озод муайян шуданд
ДУШАНБЕ,11.12.2018 /АМИТ «Ховар»/. Дар Муассисаи давлатии «Маркази ҷумҳуриявии тайёрии олимпии дастаҳои мунтахаб» мусобиқаи кушоди байналмилалӣ оид ба гӯштини тарзи озод баргузор шуд.
Дар ин бора сармураббии дастаи мунтахаби Тоҷикистон оид ба гӯштини тарзи озод Абдурозиқ Олимов ба мухбири АМИТ «Ховар» хабар дод. Зикр шуд, ки мусобиқаро муовини Президенти Кумитаи миллии олимпӣ Аҳтам Абдуллозода ифтитоҳ намуда, ба варзишгарон барору комёбиҳо таманно намуд.
Дар мусобиқа беш аз сад паҳлавон аз давлатҳои Қирғизистон, Россия, Тоҷикистон ва Ӯзбекистон аз рӯи нуҳ дараҷаи вазнӣ миёни ҳам рақобат карданд.
Дар натиҷа, аз рӯи 6 дараҷаи вазнӣ варзишгарони Тоҷикистон- Муҳаммад Икромов (57кг), Ҷамшед Шарифов (65кг), Саидҳасан Ашрафхонов (70кг), Ғуломҷон Шарифов (74кг), Баҳодур Қодиров (86кг), Раҳмонҷон Маҳмадбеков (97 кг) пирӯз шуданд.
Дар ду дараҷаи вазнӣ (79 кг, 125кг) варзишгарони Ӯзбекистон, дар як вазн (61кг) варзишгари Қирғизистон ғолиб омаданд.
Ба иттилои Абдурозиқ Олимов, мақсад аз баргузории мусобиқа омода шудани варзишгарон ба мусобиқаҳои интихобӣ ҷиҳати дарёфти роҳхат ба Бозиҳои олимпии Токио-2020 мебошад.
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
