Бозиҳои ниҳоии Чемпионати 17-уми Осиё оғоз гардиданд
ДУШАНБЕ, 07.01.2018. /АМИТ «Ховар»/. Бозиҳои ниҳоии Чемпионати 17-уми Осиё оид ба футбол расман оғоз гардиданд. Маросими расмии ифтитоҳи ин бозиҳоро, ки дар варзишгоҳи Шайх Зайди Абу Дабии Амороти Муттаҳидаи Араб доир гардид, шореҳи АМИТ «Ховар» Аловиддин Бӯриев шарҳ медиҳад.
Дар маросими бошукӯҳи ифтитоҳи бозиҳои ниҳоии Чемпионати Осиё намояндагони воломақоми Федаратсияи байналмилалии футбол, Конфедератсияи футболи Осиё, мақомдорони расмӣ ва беш аз 50 ҳазор тамошобин иштирок намуданд. Пас аз 13 дақиқаи маросими расмӣ, дастаҳои мунтахаби Амороти Муттаҳидаи Араб-мизбонон ва Баҳрайн бо ҳам қувва озмуданд. Ин вохӯрӣ бо ҳисоби мусовии 1:1 ҷамъбаст гардид.
Дар бозиҳои ниҳоии Чемпионати 17-уми Осиё бори аввал 24 даста ширкат меварзанд. Аз ҷумла, дастаҳои мунтахаби Амороти Муттаҳидаи Араб (ба ҳайси мизбон), Эрон (чемпиони секаратаи Осиё), Австралия (чемпиони яккаратаи Осиё), Япония (чемпиони чоркаратаи Осиё), Кореяи Ҷанубӣ (чемпиони дукаратаи Осиё), Арабистони Саудӣ (чемпиони секаратаи Осиё), Чин (чемпиони дукаратаи Осиё), Сурия, Ӯзбекистон (як маротиба соҳиби ҷои чорум), Ироқ (чемпиони яккаратаи Осиё), Қатар (ду маротиба то ба чорякфинал баромадааст), Таиланд (як маротиба соҳиби ҷои сеюм), Қирғизистон (бори аввал ба марҳилаи бозиҳои финалӣ баромад), Лубнон (маротибаи дуввум ба бозиҳои ниҳоӣ роҳ ёфт), Фаластин ( бори дуюм ба бозиҳои ниҳоӣ роҳ ёфт), Уммон, Ҳиндустон (як маротиба соҳиби ҷойи дуюм), Ветнам (ду маротиба соҳиби ҷои чорум), Кореяи Шимолӣ (як маротиба соҳиби ҷойи чорум), Филиппин (бори аввал ба марҳилаи ниҳоӣ роҳхат гирифт), Баҳрайн (як маротиба соҳиби зинаи чорум), Урдун, Яман (ширкати аввалинаш дар бозиҳои финалӣ) ва Туркманистон (бори дуввум ба бозиҳоии ниҳоӣ роҳ меёбад) иштирок мекунанд.
Куръакашӣ дастаҳоро дар гурӯҳҳо чунин муайян кард:
Гурӯҳи А
Амороти Муттаҳидаи Араб, Таиланд, Ҳиндустон ва Баҳрайн
Гурӯҳи Б
Австралия, Сурия, Фаластин ва Урдун
Гурӯҳи С
Кореяи Ҷанубӣ, Чин, Қирғизистон ва Филиппин
Гурӯҳи Д
Эрон, Ироқ, Ветнам, Яман
Гурӯҳи И
Арабистони Саудӣ, Қатар, Лубнон, Ҷумҳурии Халқӣ-Демократии Корея
Гурӯҳи Ф
Япония, Ӯзбекистон, Уммон ва Туркманистон
Тибқи низомнома, аз ҳар гурӯҳ ду даста ба бозиҳои ҳаштякниҳоӣ роҳхат мегиранд.
Расми пӯшидашавӣ ва бозии финалӣ 1 феврал барпо хоҳад шуд.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
