Чемпионати Осиё: дастаи мунтахаби Қирғизистон дар бозӣ бо дастаи Чин мағлуб гардид
ДУШАНБЕ, 09.01.2018. /АМИТ «Ховар»/. Дар идомаи рақобатҳои бозиҳои финалии Чемпионати Осиё дастаи мунтахаби Қирғизистон дар бозии аввали гурӯҳи «С» аз дастаи мунтахаби Чин бо натиҷаи 2:1 мағлуб гардид. Мавзӯъро Аловиддин БӮРИЕВ шарҳ медиҳад.
Дар вохӯрӣ Аҳлиддин Исроилов дар дақиқаи 42-юм дастаи мунтахаби Қирғизистонро ба сафи пеш баровард. Аммо футболбозони Чин дар оғози нимаи дуввум, дар дақиқаи 50-ум бо иштибоҳи дарвозабони қирғизҳо-Павел Матяш ҳисобро баробар карданд. Ӯ голи худиро (автогол) ба самар расонд. Дар дақиқаи 78-ум боз як хатои даврвозабон фурсати голзаниро ба Юй Дабао фароҳам овард ва ин бозингар тӯби дуюми дастаи мунтахаби Чинро вориди дарвоза кард.
Дар бозии дуввуми гурӯҳи «С» дастаи мунтахаби Кореяи Ҷанубӣ бар Филиппин бо ҳисоби 1:0 дастболо гардид. Ягона тӯбро Хван Ийҷо дар дақиқаи 67-ум ба нишон расонд.
Бозиҳои гурӯҳи «Д»-ро дастаи мунтахаби Эрон бо ғалабаи фавқулодаи 5:0 бар Яман шурӯъ кард. Дар нимаи аввал футболбозони эронӣ ба дарвозаи ҳариф се тӯб заданд. Меҳдӣ Торимӣ дар дақиқаҳои 12 ва 25 ва Ашкон Дежага дар дақиқаи 23-юм муаллифи голҳо гардиданд.
Дар нимаи дуввум низ шогирдони Карлуш Кейруш имкон надоданд, ки футболбозони Яман ба самти дарвозаи Эрон ягон зарба зананд. Баръакс ҳуҷуми дастаи мунтахаби Эрон ду маротибаи дигар бо гол анҷом ёфт. Сардор Озмун дар дақиқаи 53-ум голи чорум ва Сомон Қуддус дар дақиқаи 78-ум голи панҷумро ба ҳадаф расониданд.
Дар ин гурӯҳ дастаи мунтахаби Ироқ Ветнамро бо ҳисоби 3:2 шикаст дод.
Ниҳоят дар гурӯҳи «И» дастаи мунтахаби Арабистони Саудӣ бар дастаи Ҷумҳурии Халқӣ-Демократии Корея бо ҳисоби 4:0 ғалаба кард. .
Натиҷаи бозиҳо дар гурӯҳҳо то ба имрӯз чунин аст:
Гурӯҳи «А»
АМА – Баҳрайн – 1:1
Таиланд – Ҳиндустон – 1:4
Гурӯҳи «Б»
Австралия – Урдун – 0:1
Сурия — Фаластин 0:0
Гурӯҳи «С»
Чин – Қирғизистон – 2:1
Кореяи Ҷанубӣ – Филиппин – 1:0
Гурӯҳи «Д»
Эрон – Яман – 5:0
Гурӯҳи «И»
Арабистони Саудӣ – Кореяи Х.Д. 4:0
Имрӯз дастаҳои мунтахаби Ӯзбекистон бо Уммон, Япония бо Туркманистон ва Қатар бо Лубнон вориди сабқат мешаванд.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
