Дастаи мунтахаби Тоҷикистон оид ба таэквондо ҷамъомади машқию таълимиро ба анҷом расонид
ДУШАНБЕ, 07.01.2019 /АМИТ «Ховар»/. Аз 22 декабри соли 2018 то 6 январи соли 2019 дар шаҳри Душанбе бо ташаббуси Кумитаи кор бо ҷавонон ва варзиши назди Ҳукумати ҷумҳурӣ дар ҳамкорӣ бо Федератсияи таэквондои Тоҷикистон бо мақсади омодагии дастаи мунтахаби Тоҷикистон оид ба таэквондо (WTF) ба мусобиқаҳои байналмилалӣ миёни ҷавонон ва калонсолон ҷамъомади машқию таълимӣ баргузор гардид.
Дар ин бора корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Каримҷони Салимзода ба мухбири АМИТ «Ховар» хабар дод.
Зикр шуд, ки дар мусобиқа варзишгарон дар ҳайати дастаҳои Хатлон-1, Хатлон-2, Суғд, ВМКБ, ШНТМ ва шаҳри Душанбе иштирок карданд. Варзишгарон ҷиҳати омодагӣ ба мусобиқаҳои байналмилалӣ аз мураббиёни ин намуди варзиш Далер Фозилов, Исломиддин Фозилов ва Сафарбек Тошматов тарзу усулҳои нави таэквондоро омӯхтанд.
Ба варзишгарон довари дараҷаи байналмилалӣ аз Тоҷикистон Вафоназар Аланазаров низ нозукиҳои таэквондоро омӯзонид.
Бо мақсади дар амал дидани тарзи баҳогузорӣ, истифодаи усулҳои нав бо истифода аз технологияи муосир, ки федератсия дастрас кардааст, миёни варзишгарон мусобиқаи санҷишӣ баргузор гардид.
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
