Комиссияи марказии интихобот ва раъйпурсӣ интихоботро дар ҳавзаи интихоботии ВМКБ №1 таъйин кард
ДУШАНБЕ, 2.01.2019. /АМИТ «Ховар»/. Имрӯз, 2 январи соли 2019, таҳти роҳбарии Раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода ҷаласа баргузор гардид. Ба рӯзномаи ҷаласаи Комиссия як зумра масъалаҳои вобаста ба таъйин намудани интихоботи узви Маҷлиси миллии Маҷлиси Олии Ҷумҳурии Тоҷикистон ба ивази узви хориҷшуда аз ҳавзаи интихоботии Вилояти Мухтори Кӯҳистони Бадахшон №1 шомил гардиданд.
Дар ҷаласа зикр гардид, ки бо қарори Маҷлиси миллии Маҷлиси Олии Ҷумҳурии Тоҷикистон аз 25 декабри соли 2018 ваколати узви Маҷлиси миллии Маҷлиси Олии Ҷумҳурии Тоҷикистон Шодихон Ҷамшед бинобар ишғоли вазифае, ки ба ваколати узви Маҷлиси миллӣ мувофиқ нест, пеш аз муҳлат қатъ гардид.
Тибқи моддаҳои 12, 13 ва 57 Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» Комиссияи марказии интихобот ва раъйпурсӣ интихоботро дар ҳавзаи интихоботии Вилояти Мухтори Кӯҳистони Бадахшон №1 ба 4 марти соли 2019 таъйин карда, дар ҳавзаи зикргардида комиссияи ҳавзавии интихоботиро ташкил ва ҳайати онро муайян кард.
Ҳамзамон дар ҷаласаи Комиссия Нақшаи тақвимии чорабиниҳои асосӣ доир ба тайёрӣ ва гузаронидани интихобот дар ҳавзаи интихоботии ВМКБ №1 тасдиқ гардида, инчунин дигар масъалаҳои ба интихобот дахлдор мавриди баррасӣ қарор гирифтанд.
Дар даври омӯзишии байналмилалӣ дар Италия масоили дипломатияи илмӣ ва ҳамкории байналмилалӣ баррасӣ мешаванд
Файзалӣ Идизода бо муовини раиси Маҷлиси миллии Ҷумҳурии Корея вохӯрӣ намуд
Файзалӣ Идизода бо Сафири Ҷумҳурии Корея дар Тоҷикистон мулоқот намуд
Намояндаи Тоҷикистон дар ҷаласаи солонаи Ассамблеяи парлумонии САҲА иштирок намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Агентии Чин оид ба ҳамкории рушди байналмилалӣ мулоқот намуданд
Мулоқоти Раиси Маҷлиси намояндагон бо Раиси Кумитаи миллӣ оид ба ҳуқуқи инсони Давлати Қатар доир гардид
Файзалӣ Идизода бо Раиси Маҷлиси Шурои Подшоҳии Арабистони Саудӣ вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси Шурои Подшоҳии Арабистони Саудӣ мулоқот намуданд
Дар Душанбе тавсеаи робитаҳои парлумонии Тоҷикистон ва Русия баррасӣ гардид
Раиси Маҷлис-аш-Шурои Подшоҳии Арабистони Саудӣ бо сафари расмӣ ба Ҷумҳурии Тоҷикистон ташриф меорад
Қабули қатъномаи Даҳсолаи байналмилалӣ оид ба таҳкими сулҳ барои наслҳои оянда рӯйдоди воқеан таърихӣ ва мояи ифтихори ҳар як шаҳрванди Тоҷикистон мебошад
Дар ҷаласаи навбатии иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
