Файзалӣ Идизода дар Шуро ва ҷаласаи 61-уми пленарии Ассамблеяи байнипарлумонии давлатҳои ИДМ иштирок намуд

Ноябрь 20, 2026 17:29

ДУШАНБЕ, 20.11.2026 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода дар Шуро ва ҷаласаи 61-уми пленарии Ассамблеяи байнипарлумонии кишварҳои аъзои Иттиҳоди Давлатҳои Мустақил, ки дар Туркманистон идома дорад, иштирок ва суханронӣ намуд. Дар ин хусус ба АМИТ «Ховар» аз Маҷлиси намояндагон хабар доданд.

Иброз гардид, ки 35-солагии таъсиси Иттиҳоди Давлатҳои Мустақил марҳилаи муҳим дар таърихи Иттиҳод ба шумор меравад. «Роҳи тайкардаи давлатҳои мо давоми ин солҳо ба таври возеҳ собит намуд, ки Иттиҳоди Давлатҳои Мустақил ҳамчун минбари муҳимми муколамаи сиёсӣ ва рушди робитаҳои тиҷоратию иқтисодӣ ва гуманитарӣ мавқеъ ва аҳаммияти хосса дорад»,-афзуд Файзалӣ Идизода.

Ассамблеяи байнипарлумонии Иттиҳоди Давлатҳои Мустақил ҷузъи ҷудонашавандаи низоми сохтории Иттиҳод ва механизми муҳимми ҳамкории бисёрҷониба буда, ҳамчун минбари муассир барои муколамаи созанда дар фазои эътимод хизмат менамояд. Самтҳои ҳамкорӣ пайваста тавсеа ёфта, барои рушди ҳамкории бисёрҷониба равишҳои нав таҳия мегарданд.

Дар қатори афзалияти мубрами рӯз ҳамчунин масъалаҳои ҳамкории технологӣ, инноватсия, рақамикунонӣ, зеҳни сунъӣ, рушди иқтисоди «сабз» ва истифодаи манбаъҳои барқароршавандаи энергия қарор доранд.

Иброз гардид, ки Тоҷикистон ҳамеша ҷонибдори рушди ҳамкории гуногунҷанба ва созанда дар доираи Иттиҳоди Давлатҳои Мустақил мебошад. Изҳори итминон карда шуд, ки Ассамблеяи байнипарлумонии Иттиҳоди Давлатҳои Мустақил минбаъд низ дар ин раванд нақши муҳим хоҳад дошт.

Рӯзномаи ҷаласа масъалаҳои ҳамкории байнипарлумонӣ, такмили қонунгузории намунавӣ ва таҳкими амниятро фаро мегирад. Ба масъалаҳои сиёсати иҷтимоӣ ва ҳифзи ҳуқуқи инсон, инчунин ҳамкории гуманитарӣ таваҷҷуҳи махсус зоҳир гардид. Илова бар ин, ба рӯзномаи ҷаласа масъалаҳои рақамикунонӣ, танзими истифодаи зеҳни сунъӣ ва ҳамоҳангсозии қонунгузории давлатҳо дар соҳаи сиёсати муҳоҷират ворид карда шудаанд.

АКС: Маҷлиси намояндагони Маҷлиси Олии Ҷумҳурии Тоҷикистон

Ноябрь 20, 2026 17:29

Хабарҳои дигари ин бахш

Дар Брюссел ҷаласаи XIII Кумитаи ҳамкории парламентии Ҷумҳурии Тоҷикистон ва Иттиҳоди Аврупо доир шуд
Файзалӣ Идизода дар мулоқоти Гурбонгулӣ Бердимуҳамедов бо роҳбарони ҳайатҳои парлумонии кишварҳои ИДМ иштирок намуд
Дар Тоҷикистон ҳаҷми Маҷмуи маҳсулоти дохилӣ 18,4 миллиард сомонӣ зиёд гардид
Ҳайати парлумонии Тоҷикистон дар ҷаласаи 61-уми пленарии Ассамблеяи байнипарламентии ИДМ иштирок менамояд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид