Ғолибони мусобиқаи Тел-Авиви Исроил -2019 муайян шуданд
ДУШАНБЕ, 28.01.2019 /АМИТ «Ховар»/. Дар шаҳри Тел-Авиви Исроил аввалин мусобиқаи байналмилалии Гран-прии дзюдои имсола баргузор гардид, ки бо пирӯзии мизбонон ба поён расид.
Дар ин бора ба мухбири АМИТ «Ховар» шореҳи варзиш Муродалӣ Тешаев хабар дод.
Зикр шуд, ки дар Гран-прии Тел-Авив 373 нафар гӯштингирон (214 мард ва 159 зан) аз 53 кишвари дунё ширкат доштанд. Баъди натиҷагирии се рӯзи мусобиқа дар ҳисоби умумидастаӣ дастаи мунтахаби Исроил бо касби чор медали тилло, ду нуқра ва як биринҷӣ дар ҷойгоҳи аввал қарор гирифт. Дастаи мунтахаби Италия бо касби ду медали тилло, се нуқра ва як биринҷӣ ҷойгоҳи дуюм ва дастаи мунтахаби Франсия бо касби ду медали тилло ва як биринҷӣ ҷойгоҳи сеюмро ишғол намуданд.
Дар мусобиқаи байналмилалии Гран-прии дзюдо дар Тел-Авив Тоҷикистонро се варзишгар — Беҳрӯзи Хоҷазода, Хайёмиддин Ҷабборов ва Акмал Муродов дар сабқати мардон намояндагӣ карданд. Беҳрӯз дар рақобатҳо дар вазни то 73 кило дар ҷойгоҳи панҷум қарор гирифт. Ӯ пас аз се пирӯзӣ бар рақибонаш аз Швейтсария, Арманистон ва Исроил ба нимфинал баромад. Вале дар даври нимниҳоӣ аз варзишгари Беларус Вадзим Шока мағлуб гашт.
Сипас ӯ қувваозмоиро барои медали биринҷӣ ба Артём Хомулаи украинӣ бохт. Ҳамин тариқ, дастаи мунтахаби Тоҷикистон бо як ҷойи панҷум ҳамроҳ бо дастаи мунтахаби Дания дар байни 53 кишвар дар ҷойгоҳи 26-ум қарор гирифт.
Ғолибону ҷоизадорони Гран-прии дзюдо, Тел-Авив (Исроил), 24-26 январ
60 кг
- ВЕРСТРАЕТЕН Ҷорр (Белгия)
2. ҶАКАДОЕА Торник (Нидерланд)
3. ОГУЗОВ Алберт (Россия
3. РЕВОЛ Седрич (Фаронса)66 кг
- ЛОМБАРДО Мануэл (Италия)
2. ЯДОВ Богдан (Украина)
3. ГАИТЕРО МАРТИН Алберто (Испания)
3. ХАМЕТОВ Ислом (Россия)73 кг
- ШОКА Вадзим ( Беларус)
2. ЕСПОСИТО Ҷиованни (Италия)
3. БУТБУЛ Тоҳар (Исроил)
3. ХОМУЛА Артём (Украина)81 кг
- МУКИ Саги (Исроил)
2. ИВАНОВ Ивайло (Булғористон)
3. ЧОУЧИ Сами (Белгия)
3. ПАРЛАТИ Кристиан (Италия)90 кг
- КЛЕРГЕТ Аксел (Фаронса)
- МУНГАЛ Николас (Италия)
3. МЕҲДИЕВ Маммадалӣ (Озарбойҷон)
3. СМИНК Ҷеспер (Нидерланд)100 кг
- ИДДИР Александр (Фаронса)
2. ФЛЕТЧЕР Бенҷамин (Ирландия)
3. МИНАСКИН Григори (Эстония)
3. ОЗСИСЕК-ТАКАГИ Кайҳан (Австралия)+100 кг
- САССОН Ор (Исроил)
2. ХАММО Якив (Украина)
3. КРИВОБОКОВ Антон (Россия)
3. ВАХАВЯК Александр (Беларус)
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
