ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: дар шаҳри Хоруғ Театри миллӣ ба истифода дода мешавад
ДУШАНБЕ, 25.02.2019 /АМИТ «Ховар»/. Бахшида ба таҷлили сазовори ҷашни 30-юмин солгарди Истиқлолияти давлатии Ҷумҳурии Тоҷикистон дар маркази маъмурии Вилояти Мухтори Кӯҳистони Бадахшон-шаҳри Хоруғ 94 иншооти таъйиноти мухталиф бунёд ва мавриди истифода қарор дода мешаванд. Дар онҳо садҳо нафар бошандагони шаҳр бо ҷойи кор таъмин мегарданд.
Дар шаҳри Хоруғ баҳри сари вақт иҷро намудани дастуру супоришҳои Пешвои миллат ҷиҳати дар сатҳи баланд пешвоз гирифтани ин ҷашни миллӣ роҳбарии гурӯҳи кориро Вазири фарҳанги Ҷумҳурии Тоҷикистон Шамсиддин Орумбекзода ба уҳда дошта, ҷараёни корҳои сохтмонӣ ва созандагӣ дар шаҳр зери назорати доимӣ қарор дорад.
Имрӯзҳо новобаста аз сардиҳои фасли зимистон корҳои созандагию бунёдкорӣ дар иншооти ҷашнии шаҳри Хоруғ, аз ҷумла дар бинои Театри миллӣ идома доранд. Тибқи лоиҳа, бинои театр аз се ошёна, толорҳои калону хурд, утоқҳои машқу тамрин ва шароити зарурӣ иборат мебошад. Толори асосии он барои ҳазор нафар тамошобин пешбинӣ шудааст. Бино бо тарҳи миллӣ бунёд гардида, ба шабакаҳои гармидиҳӣ, ҳавотозакунию салқинсозӣ пайваст карда мешавад. Корҳои сохтмонӣ дар бинои Театри миллӣ тобистони соли 2017 оғоз гардида, то охири сол беш аз 70 фисади корҳои сохтмонӣ бо харҷи 11 млн. сомонӣ ба анҷом расонида шуданд.
Дар оғози соли равон барои пешбурди корҳо 8 млн. сомонӣ ҷудо гардид. Фармоишгари иншооти мазкур Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон буда, корҳои сохтмониро бинокорони ҶДММ «Бунёд» бар уҳда доранд. Ба корҳои сохтмонӣ 80 нафар сохтмончиён, ки теъдоди бештари онҳоро сокинони шаҳри Хоруғ ташкил медиҳанд, ҷалб шудаанд.
Ҳоло корҳои сохтмонӣ, аз қабили хиштчинӣ, бетонхобонӣ дар ҷараён буда, таъминоти саривақтӣ бо масолеҳи сохтмонӣ имконият медиҳад, ки суръати корҳо мутобиқи талабот ба роҳ монда шавад. Ҳамарӯза бинокорон аз 30 то 40 куб бетон хобонда, ба раванди сохтмон вусъат мебахшанд. Сохтмончиён ният доранд, ки соли равон ҳудуди 90 дарсади корҳои созандагиро ба субут расонанд.
Чунин раванди кор имконият медиҳад, ки бинои Театри миллӣ дар шаҳри Хоруғ сари вақт мавриди истифода қарор дода шуда, ба симои маркази шаҳр ҳусни дигар зам намояд.
Сармоягузорони Чин бо субъектҳои Минтақаи озоди иқтисодии «Суғд» шинос гардиданд
Дар назди муассисаҳои таълимии ноҳияи Рашт синфхонаҳои иловагӣ ба истифода дода шуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони НБО «Роғун»
Эмомалӣ Раҳмон: «Дар ду агрегати аввалини НБО «Роғун» то имрӯз 9,1 миллиард киловатт-соат неруи барқ истеҳсол карда шудааст»
Дар Неругоҳи барқи обии «Роғун» беш аз 18 ҳазор коргарон ва кормандони муҳандисию техникӣ фаъолият доранд
Пешвои миллат Эмомалӣ Раҳмон бо кормандони НБО «Роғун» ва фаъолони шаҳри Роғун мулоқот намуданд
Дар Ҷамоати деҳоти Қаратоғ бинои иловагии таълимӣ, кӯдакистон ва толори варзишӣ ба истифода дода мешавад
Сарвари давлат Эмомалӣ Раҳмон дар НБО «Роғун» бо ҷараёни корҳои сохтмонӣ дар нақби сохтмонии қабати чорум шинос шуданд
Президенти Ҷумҳурии Тоҷикистон Эмомалӣ Раҳмон бо раванди корҳо дар майдончаи сохтмонии №5А-и НБО «Роғун» шинос шуданд
Пешвои миллат Эмомалӣ Раҳмон бо ҷараёни корҳо дар сарбанди рӯди Оби Шӯри НБО «Роғун» шинос шуданд
Сарвари давлат Эмомалӣ Раҳмон бо ҷараёни корҳо дар баромадгоҳи нақби нақлиётии НБО «Роғун» дар баландии 1300 метр аз сатҳи баҳр шинос шуданд
Президенти Ҷумҳурии Тоҷикистон Эмомалӣ Раҳмон бо рафти корҳо дар обқабулкунаки доимии НБО «Роғун» шинос шуданд
