ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
ДУШАНБЕ, 11.04.2026. /АМИТ «Ховар»/. Сокини Ҷамоати деҳоти Қумсангири ноҳияи Ҷайҳун Аслиддин Зайниддинов дар замини наздиҳавлигияш пиёзи барвақтӣ кишт намуда буд, ки дар айни замон онро ҷамъоварӣ ва барои фурӯш ба бозори истеъмолӣ пешниҳод намудааст.
Тавре Аслиддин Зайниддинов ба хабарнигори АМИТ «Ховар» иброз намуд, «замини наздиҳавлигиям 8 садякро ташкил медиҳад. Имсол бо аҳли хонаводаам пиёзи барвақтӣ кишт намудем. То имрӯз онро ҷамъоварӣ карда, барои фурӯш ба бозор баровардем. Нақша дорем, ки дар замини наздиҳавлигӣ дар кишти такрорӣ макка барои дон корем».
Ҳамчунин иттилоъ дода шуд, ки Аслиддин Зайниддинов роҳбари хоҷагии деҳқонӣ низ мебошад. Замини хоҷагии деҳқонии ӯ 50 садякро ташкил дода, дар он низ пиёз парвариш намудааст. Дар айни замон барои ҷамъоварии ҳосили пиёз 20 сокини маҳаллиро ба кори мавсимӣ ҷалб намудааст.
Гуфта шуд, ки пиёзи барвақтӣ моҳи август кишт шуда, то охири моҳи апрел ҷамъоварӣ мегардад.
Аслиддин Зайниддинов иброз намуд, ки ҳангоми кишти тирамоҳӣ дар як гектар 16-18 килограмм тухмӣ кошта мешавад. Вақти кишти баҳорӣ 10-12 колограмм тухмӣ кишт кардан зарур аст. Дар ҳолати дертар кишт намудан, яъне дар моҳи апрел ҳосили пиёз кам мешавад. Сабаб дар он аст, ки дар ҳарорати баланд қисми рӯихокии пиёз назар ба бехаш зудтар инкишоф меёбад. Бинобар ин, дар заминҳои дер киштшуда растанӣ суст инкишоф меёбад. Ғайр аз ин, вақте ки бориш кам ва ҳарорат баланд мешавад, ҳолати нешзанӣ бад мегардад. Пиёзи аввали баҳор киштнамуда моҳи сентябр пухта мерасад ва тамоми зимистон нағз меистад.
«Пиёзе, ки дар моҳи сентябр ва аввали моҳи октябр ҷамъоварӣ мегардад, барои захира намудан хеле созгор аст. Барои фасли зимистон пиёз дар сардхонаҳо захира карда мешавад. Пеш аз он ки ин навъи маҳсулотро захира намоем, онро бояд дар муддати 10-12 рӯз дар Офтоб хушк намуда, аз байнашон пиёзи нуқсондорро ҷудо намуда, сипас дар борхалтаҳои махсус гирифта, захира намоем. Бояд гуфт, ки ҳарорати сардхона бояд 12 дараҷа гармиро ташкил намояд, зеро ки бо омадани фасли сармо ҳарорати сардхона поин шуда, ба 3 ё 4 дараҷа гармӣ мерасад. Агар ҳарорат аз ин паст шавад, ин маҳсулоти полезӣ сармозада мешавад»,- афзуд ҳамсуҳбати мо.
Мунира АБДУРАСУЛОВА,
АМИТ «Ховар»
АКС: АМИТ «Ховар»
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
