35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
ДУШАНБЕ, 11.04.2026. /АМИТ «Ховар»/. Дар шаҳри Душанбе доир ба ҷараёни омодагиҳо ба таҷлили 35-солагии Истиқлоли давлатӣ оид ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон машварати корӣ доир шуд. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон хабар доданд.
Ҷаласа таҳти раёсати муовини якуми Раиси Ҳизби Халқии Демократии Тоҷикистон Маликшо Неъматзода баргузор гардид. Дар он се масъала: ҷамъбасти фаъолияти Кумитаи иҷроияи марказии Ҳизби Халқии Демократии Тоҷикистон дар семоҳаи аввали соли 2026, иҷрои дастуру супоришҳои Президенти мамлакат муҳтарам Эмомалӣ Раҳмон доир ба рафти омодагиҳо ба таҷлили 35-солагии Истиқлоли давлатии Ҷумҳурии Тоҷикистон ва масъалаҳои ҷорӣ мавриди баррасӣ ва муҳокима қарор дода шуд.
Дар машварат иброз гардид, ки яке аз иқдомҳои назарраси Кумитаи Иҷроияи Марказии ҳизб ва кумитаҳои иҷроияи ҳизбии вилоятҳо ва шаҳру ноҳияҳо дар солҳои охир, муаррифӣ ва таблиғи арзишҳои миллӣ, тақвият бахшидани худшиносию ватандустӣ, масъулияти шаҳрвандӣ ва ба корҳои созандагӣ ҷалб намудани сокинони мамлакат аст.
Аз иштирокчиён даъват шуд, ки барои иҷрои саривақтӣ ва босифати дастуру супоришҳои Пешвои миллат, Раиси Ҳизби Халқии Демократии Тоҷикистон муҳтарам Эмомалӣ Раҳмон бо дарки масъулияти баланди ҳизбию ватандорӣ фаъолият намоем.
Аз ҷониби иштирокчиёни машварат масъалаи баррасишуда мавриди муҳокима қарор гирифта, ба раисони кумитаҳои иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон, вилояти Суғду Хатлон ва шаҳру ноҳияҳои ҷумҳурӣ барои бартараф намудани камбудиҳои соҳа ва дар сатҳи баланд иҷро намудани масъулияти ҳизбию шаҳрвандӣ ва оинномавӣ дастуру супоришҳо дода шуд.
АКС: Кумитаи иҷроияи Ҳизби Халқии Демократии Тоҷикистон
Пешвои миллат Эмомалӣ Раҳмон дар шаҳри Бохтар дар чорабинии бошукӯҳи фарҳангӣ ба ифтихори ҷашни 35-солагии Истиқлоли давлатӣ иштирок намуданд
Бахшида ба 35-солагии Истиқлолити давлатӣ дар Фурудгоҳи байналмилалии Душанбе ҷамъомади тантанавӣ доир шуд
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
Дар Москва 35-солагии Истиқлоли давлатии Ҷумҳурии Тоҷикистонро таҷлил намуданд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
Сокинони шаҳри Норак ҷашни 35-солагии Истиқлолияти давлатии Ҷумҳурии Тоҷикистонро бошукуҳ таҷлил намуданд
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
ҶОЙГОҲИ ТОҶИКИСТОН ДАР АРСАИ БАЙНАЛМИЛАЛӢ. Ба 35-солагии Истиқлоли давлатӣ бахшида мешавад
Президенти Ҷумҳурии Тоҷикистон Эмомалӣ Раҳмон Китобхонаи оммавии вилояти Хатлон ба номи Шамсиддин Шоҳинро пас аз навсозӣ ба истифода доданд
