Дар Хоруғ 269 килограмм дорувории муҳлатгузашта ва бе сертификат аз муомилот берун карда шуд, -бардошт аз нишасти матбуотӣ
ХОРУҒ, 13.02.2019 АМИТ «Ховар»/. Гарчанде ки назорат аз болои фурӯши маводи доруворӣ дар дорухонаҳои шаҳру ноҳияҳои Вилояти Мухтори Кӯҳистони Бадахшон пурзӯр гардидааст, ҳанӯз ҳам баъзе кормандони ин нуқтаҳо бо мақсади ба даст овардани маблағ ҷони мизоҷонашонро дар хатар гузошта, ба онҳо доруҳои пастсифат, муҳлатгузашта ва бе сертификати мутобиқат мефурӯшанд.
Иҷрокунандаи вазифаи сардори Раёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Бадахшон Ақлимоҳ Андубекова зимни нишасти матбуотии ин ниҳод иброз дошт, ки «дар натиҷаи пурзӯр кардани назорат нисбат ба солҳои пеш дар дорухонаҳои давлатию хусусӣ фурӯши доруҳои қалбакию пастсифат ва бе сертификати мутобиқат хеле коҳиш ёфтааст. Соли гузашта 289 килограмм чунин доруворӣ аз муомилот бароварда шуда, нисбат ба 17 нафар шахсони воқеӣ парвандаи ҳуқуқвайронкунии маъмурӣ тартиб дода шуд. Ҳамзамон аз онҳо ба маблағи 22 ҳазор сомонӣ ҷарима рӯёнида шуд. Дар ин давра фаъолияти 29 маркази хизматрасонии маишӣ бо сабаби ҷавобгӯ набудан ба талаботи санитарӣ муваққатан қатъ гардид».
Ақлимоҳ Андубекова дар робита ба низоми нави табобат дар беморхонаҳо зикр кард, ки тибқи низоми нав бемор қабл аз муолиҷа дар беморхона ба хазинаи он 400 сомонӣ месупорад. Бо ин вай аз пардохти ҳаққи ташхис дар озмоишгоҳ ва дигар намудҳои хизматрасонӣ озод аст. Ба маъюбони гурӯҳҳои як ва ду, бемороне, ки дар ҳолати вазнин ба беморхона интиқол меёбанд, ройгон хизмат расонида мешавад.
Иҷрокунандаи вазифаи сардори Раёсати хадамоти назорати давлатии тандурустӣ ва ҳифзи иҷтимоии аҳолии вилоят дар нишасти матбуотӣ аз ҳамкасбони худ хоҳиш кард, ки ҳамарӯза барои баланд бардоштани дониш, малакаву маҳорати касбии худ талош варзанд, то ҳангоми ташхису табобат ба иштибоҳ роҳ надиҳанд.
«Соли гузашта табибон бо сабаби бемасъулиятӣ ҳангоми ташхису табобат ба ду хатоӣ роҳ доданд. Дар натиҷа 5 табиб ба ҷавобгарии маъмурӣ кашида шуданд»,-гуфт Ақлимоҳ Андубекова.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
