«Душанбе шаҳри мақбули сайёҳон», «Мурғоб ба таври шинохтанашаванда тағйир ёфтааст», шарҳи матбуоти даврии Тоҷикистон

ДУШАНБЕ, 28.02.2019 /АМИТ «Ховар»/. Матбуоти даврии Тоҷикистон дар ҳафтаи равон рӯйдодҳои муҳими ҳаёти сиёсию иқтисодӣ ва иҷтимоию фарҳангии Тоҷикистон ва ҷаҳонро  дар саҳифаҳои  худ бозтоб намудааст.

«Ҷумҳурият»- нашрияи  расмии Ҷумҳурии Тоҷикистон дар шумораи 43, чоршанбе, 27 феврали соли 2019  дар радифи нашри  Фармонҳои Президенти  мамлакат ва Қарорҳои Ҳукумати  Ҷумҳурии Тоҷикистон вобаста ба  таъйиноти кадрӣ  дар Ҳукумати  мамлакат ҳамзамон таҳти унвони «Паём ҳидоят ба рушди соҳибкорист» мақола мунташир намудааст, ки дар он омадааст: «Ҳукумати   Тоҷикистон баҳри  ноил шудан ба нишондодҳои Стратегияи миллии рушд қадамҳои устувор гузошта, ҳаҷми маҷмӯи маҳсулоти дохилиро соли  2018 дар сатҳи  7,3 фоиз ҷамъбаст намуд ва таваррумро дар сатҳи 5,4 дарсад нигоҳ дошт. Пешрафт дар бахши истеҳсолӣ таъмин гардида, зиёа аз 150  ҳазор ҷойи  нави корӣ таъсис ёфт».

Инчунин нашрияи «Ҷумҳурият» таҳти унвони  «Ҳизби наҳзат  зери ниқоби дин одамонро ба гумроҳӣ мебурд» маводеро аз сомонаи АМИТ «Ховар» бознашр намудааст. Муаллифи мақола муовини  Вазири адлияи ҷумҳурӣ  Ҳаким Мирсайзод мебошад. Ҳамзамон хонандагони «Ҷумҳурият» имкон доранд аз ин шумора мақолаҳои «Иқтисоди сабз ва аҳамияти он барои рушди Осиё», «Диёре, ки шукуфтан дорад» ва дигар хабару гузоришҳоро оид ба рӯйдодҳои  кишвар ва хориҷи он мутолиа намоянд.

«Садои мардум»- нашрияи Парлумони Тоҷикистон –Маҷлиси Олӣ дар шумораи 23,  панҷшанбе, 28 феврали соли 2019  дар баробари хабару гузоришҳо аз фаъолияти Парлумони мамлакат, Фармонҳои Президенти ҷумҳурӣ  ва Қарорҳои Ҳукумати Ҷумҳурии Тоҷикистонро доир ба тағйироти ахири кадрӣ дар сохтори Ҳукумати  Тоҷикистон интишор намудааст. Хонандагон  имкон доранд аз ин шумораи рӯзномаи парлумонӣ ҳамзамон  мақолаҳои  «Маърифати ҳуқуқии  аҳолӣ кафили волоияти қонун аст», «Шаҳритуз. 86 иншоот мавриди баҳрабардорӣ қарор гирифт», «Ниҳолро вобаста ба ҷой дуруст интихоб бояд кард», «Душанбе шаҳри мақбули сайёҳон», «Мурғоб ба таври шинохтанашаванда тағйир ёфтааст»,  «Фақри маърифат аз куҷо  ибтидо мегирад?» ва дигар хабару гузоришҳоро мутолиа намоянд.

«Народная газета»- нашрияи русзабони Ҳукумати  Ҷумҳурии Тоҷикистон дар шумораи 10, чоршанбе, 27 феврали соли равон хабару гузоришҳои васеъро  роҷеъ ба иштироки Президенти мамлакат дар  маъракаи  ниҳолшинонӣ дар ноҳияи Данғара, инчунин иштирок ва суханронии Пешвои миллат дар маҷлиси тантанавӣ бахшида ба 26-умин солгарди таъсиси Артиши  миллӣ, ҷаласаи   ХIХ Шӯрои машваратӣ оид ба беҳтар намудани фазои сармоягузорӣ  ва вохӯрии Президенти мамлакат бо намояндагони ВАО-и давлатӣ, тасдиқи Рамзи ҷашни байналмилалии Наврӯз ва Ангораи «Наврӯз -2019»  аз сӯи  Президенти ҷумҳуриро нашр намудааст.

Инчунин ҳайати эҷодии «Народная газета» мақолаю мусоҳибаҳои  хонданбобро таҳти унвони «Послание –важный документ, определяющий  ход дальнейшего развития  страны», «Религия -путь милосердия, сострадания и всеобщей любви», «Детская преступность: причины и методы борьбы», «Джурахон Рахимзода: «Все средства измерения  должны проходить  поверку», «Низом Косим: «Не следует  у второклассника требовать знание «Шахнаме»,  «В этой жизни я искал самого себя и не нашел» ва дигар хабарҳоро аз ҳаёти сиёсию иқтисоӣ ва иҷтимоии Тоҷикистон ва минтақаи Осиёи Марказӣ пешкаши хонандагони худ гардонидаанд.

«Минбари халқ»  нашрияи Марказии  Ҳизби Халқии Демократии Тоҷикистон /ҲХДТ/  дар шумораи  9, чоршанбе, 27 феврали соли 2019  хабару гузоришҳоро роҷеъ ба иштироки Президенти мамлакат дар  маъракаи ниҳолшинонӣ  дар ноҳияи Данғара, суханронии Пешвои миллат дар ҷамъомади тантанвӣ  ба ифтихори 26-солагии  таъсиси Қувваҳои Мусаллаҳи  Ҷумҳурии Тоҷикистон, инчунин дигар хабару гузоришҳоро аз ҳаёти ҲХДТ чоп намудааст. Инчунин дар ин шумораи «Минбари халқ» мақолаҳо таҳти унвони «Масъулият ва ташаббус», «Ҳадафи ҳукумат оромӣ ва рушди  Бадахшон», «Миллат бояд  зери парчами миллӣ муттаҳид шавад!», «Фаъолияти  васоити ахбори   омма такмил мехоҳад»,  «Устурасозӣ ба нафъи кист?», «Беодобиҳо дар нақлиёти ҷамъиятӣ»,   «Шаъну шарафи инсон  ва сиёсат», «Нагузорем, ки замин ғайриқонунӣ истифода шавад», «Қатра» ҷой дода шудаанд, ки ба мавзӯъҳои муҳими  ҷомеа бахшида шудаанд.

«Мароми пойтахт»- нашрияи Кумитаи Иҷроияи ҲХДТ дар шаҳри Душанбе дар шумораи 8, чоршанбе,  27 феврали соли равон  дар радифи  нашри  хабару гузоришҳо аз ҳаёти ҲХДТ дар пойтахт  гузориши васеъро роҷеъ ба  мулоқоти Пешвои миллат бо намояндагони ВАО-и давлатӣ, ки 20 феврад дар Душанбе доир гардида буд, тасдиқи   ангора, рамз ва халтачаи соли нави миллӣ-Наврӯзи 2019-ро  интишор намудааст.

Муштариёни  «Мароми пойтахт» ҳамзамон аз саҳифаҳои  рӯзномаи ҳизбии шаҳрӣ имкон доранд мақолаҳоро таҳти унвони «Тоҷикистон: иқдом ва ибтикороти башардӯстона», «Омода намудани кадрҳои рақобатпазир масъулият мехоҳад», «Касбияти намояндагони воситаҳои ахбори оммаи миллӣ  такмил мехоҳад» ва дигар хабару гузоришҳоро мутолиа намоянд.