Футбол: вохӯрӣ барои Ҷоми олии Тоҷикистон -2019 рӯзи 29 март барпо мегардад

ДУШАНБЕ, 19.02.2019. /АМИТ «Ховар»/. 29 март дар Варзишгоҳи марказии шаҳри Душанбе вохӯрӣ барои Ҷоми олии Тоҷикистон-2019 оид ба футбол барпо мегардад. Дар ин бора Кумитаи иҷроияи ФФТ қарор ба тасвиб расонид. 

Бозӣ барои Ҷоми олии Тоҷикистон маротибаи 10-ум гузаронида шуда, дар он чемпиони соли гузашта ва барандаи Ҷоми Тоҷикистон-2018 –дастаи «Истиқлол»-и Душанбе ва соҳиби медалҳои нуқраи Чемпионати мамлакат-2018- дастаи «Хуҷанд»-и Хуҷанд  бо ҳам мубориза мебаранд.

Мусобиқа барои Ҷоми олии Тоҷикистон аз соли 2010 инҷониб  ба роҳ монда шудааст, ки ҳафт маротиба онро КФ «Истиқлол» (2010, 2011, 2012, 2014, 2015, 2016 ва 2018), як маротибагӣ дастаҳои «Равшан»-и Кӯлоб (2013) ва «Ҳосилот» -и Фархор (2017) ба даст овардаанд.

Ҷоми олии Тоҷикистон-2019

29 март (ҷумъа)

«Истиқлол» – «Хуҷанд»

Душанбе, Варзишгоҳи марказӣ

Натиҷаи бозиҳо барои Ҷоми олии Тоҷикистон (2010-2018):

2010 – «Вахш» (Қӯрғонтеппа) – «Истиқлол» (Душанбе) – 0:2

2011 – «Истиқлол» (Душанбе) – «Регар-ТадАЗ» (Турсунзода) – 1:0

2012 – «Истиқлол» (Душанбе) – «Регар-ТадАЗ» (Турсунзода) – 2:1

2013 – «Равшан» (Кӯлоб) – «Регар-ТадАЗ» (Турсунзода) – 2:1

2014 – «Равшан» (Кӯлоб) – «Истиқлол» (Душанбе) – 0:5

2015 – «Истиқлол» (Душанбе) – «Хайр» (Ваҳдат) – 2:2. Аз зарбаҳои пеналти – 4:3

2016 – «Истиқлол» (Душанбе) – «Хуҷанд» (Хуҷанд) – 3:2

2017 – «Истиқлол» (Душанбе) – «Ҳосилот» (Фархор) –1:2

2018 – «Истиқлол» (Душанбе) – «Хуҷанд» (Хуҷанд) – 3:2